CDF-Mindat Nih Nihin May 9 Lawngah Ralhrang Uico 30 Leng An Kah That Hna i 20 Leng Hliam an tuar rih

Mindat – Matupi lamthluan meng 25 ah CDF Mindat nih ralhrang an kah hna caah uico ralhrang 10 an thah hn. Bomb an hmanh nak chung a lut mi ralhrang pawl cu bomb in an puah hna caah minung 50 chungah 30 cu an thi rih lai tiah zumh a si.

Chokhleipar | May 9|2022
Chin ramkulh mindat-Matupi lamthluan mengtung 25 nak hmun ah ralhrang uico pawl cu CDF Mindat nih tuzing May 9 suimilam in an kah cuamqn hna i ralhrang uico 10 an thah khawh hna tiah theih a si.

Cu hnu ah CDF Mindat nih bomb an hmanh mi kulh chung ah ralhrang uico milu 50 tluk cu an luh caah bomb in an puah hnawh than hna i ralhrang pawl hi a tlawmbik minung 30 tluk cu an thi rih lai tiah CDF mindat sin in theih a si.

“Nihin May 9 zing ah naih taktak in thalpak he RG he kan kah hna caah minung 10 an thi lai. Cu hnu ah bomb kan hmanh nak kulh chungah ralhrang uico minung 20 tluk an hun hun caah kan ralkap pawl an chim nak ahcun minung 20 ning in an thi dih kho men. Cu hnu ah minung 30 tluk cu mentung 24 hmun bomb kan hmanh mi an hun luh bak ah tlamtling tein bomb cu kan puah khawh caah a thimi an tam rih lai” CDF Mindat spokeperson nuh a chim.

CDF Mindat phu nih bomb a tam taktak cu hmun tampi an hmanh dih hna i cuka hmun chung ahcun ralhrang uico pawl an hun luh bak ah bomb cu kan puah tiah CDF Mindat spokeperson nihcun a chim fawn.

“Bomb cu tam tuk te kan hmanh. Bomb kan hmanh mi chung i a lut hi boihnih bak te a si . Ralhrang milu in cun minung 50 tluk an si lai. Cucaah a thih mi an tamtuk lai tiah cathanh kan chuah hi a si. Minung 50 chung ah 30 cu an thi hrimhrim lai” Salai spokeperson nih a chim.

May 7-8 nihnih chung ah CDF Mindat nih ralhrang uico 7 an rak thah cang hna. Mindat-Matupi lamthluan i a kalmi ralhrang hna hi motor 70 le raltuk tank 2 telh in April 27 Matupi in an hun i thawh in CDF Matupi nih tampi an rak thah ve cang hna.Credit – CDF Mindat

Be the first to comment

Leave a Reply

Your email address will not be published.


*