CDF Mindat Nih Nihin Zanlei I Ralhrang Uico An Thah Mi Zah an Chuah

CDF-Mindat nih SAC Ralhrang fak taktak in an kah hna i pathum an thah khawh hna i vanchiatnak ah CDF Mindat pakhat nih ram le miphun caah a nunnak a pek ve tiah theih a si.

Nihin zanlei suimilam 2pm ah CDF-Mindat le ralhrang uico pawl karlak fakpi in i kahnak a chuak. Ralhrang uico lei in minung pakhat a thi i hliamtuar zong an um len tiah theih a si.

Cuhnu ah zanlei suimilam 3pm tluk ah i kahnak a chuak than i ralhrang uico pathum an thah khawh than hna. Hliamtuar zong tampi an um len rih tiah CDF Mindat nih an langhter.

CDF-Mindat lei in pasaltha pakhat hriamngan nih a khen i hnu an i thawn lio lampi ah ram le miphun caah a nunnak a liam. Cun passaltha pakhat zong faktuk lo in hliam a tuar Tiah theih a si.

Htilinn peng chung in a rak chuak mi ralhrang hna cu Mindat peng Palungthi khua ah zanlwi suimilam 6pm tluk ah an lut tiah theih a si.

Pehzulh in Mindat peng chungah i kahnak a fak kho caah aherh mi thilril hriamnam pawl bawmh chan ding in CDF Mindat nih a thanh.CDF-Mindat(သတင်းနှင့်ပြန်ကြားရေးဌာန)

Be the first to comment

Leave a Reply

Your email address will not be published.


*