CDF Mindat Nih Ralhrang Uico Tamlak An Thah Cang hna

Ralhrang pawl motor 80 le Tank pahnih he Matupi lei a kalmi hna cu lampi ah CDF mindat nih an phomh cuahmah cang hna tiah theih a si. A tuhi a thlawmbik ralhrang minung 5 naktam an thi cang lai tiah CdF mindat nih cathanh an chuah.

Maggwe ramthen Khyauthuh vanlawng tual in a chuak i Chin ramkulh Mindat – Matupi lei a kalmi ralhrang hna cu march 26 mengtung 16 nak hmun in CDF mindat nih kqh hram an thawk hna i ralhrang lei minung pa5 nak tam an thah khawh hna.

I kahnak ah CDF mindat lei hi mi zeihmanh i khawndennak an tong lo tiah theih a si.March 27 ah ralhrang pawl mi 300 tluk cu meng 17 nak an phanh i ralhrang ni a si caah kan kah hna lo tiah hmaisuang CDF pakhat nih a chim.

March 28 ah ralhrang pawl cheukhat hmaisuang a kalmi hna milu 70 hrawng cu mengtung 23-22-21 karlak an phanh i cu kahmun ahcun CDF mindat he cun i kahnak a zualhma ngaingai cang tiah theih a si. Ralhrang lei a thimi le hliamtuar kong tu cu zeihmanh thanhnak a um rih lo caah CDF mindat caah thlacam in bawmh cio an hau lio pi a si.

Be the first to comment

Leave a Reply

Your email address will not be published.


*