CDF Mindat Thenhnih Ah Aa Cheu kho. Huraitu An i Cuh Cang

A Lortuk mi CDF Mindat Hruaitu Anmah le Mah karlak ani buai ve cang. Mindat CDF hi cankhat lio ah ralhrang tam nawn an rak thah hna i kan rak Uar tuk mi hna an si. Nain nihin ahcun anmah lawng cu zeithil hmanh an duhning in an tuah kho ve ti lo.

CDF mindat hruaitu pawl hi CNF/A pawl a hua ngaitu an si. CNF/A lo in kan dir khawh ko ti phun in KNU, AA hna sin ah training kai a rak thlahtu an si. Nain lungput that lo ngeih cu a tu ahcun anmah CDF mindat chung lila ah i hnahchuahnak le hruaitu i cuhnak an ngei ve cang. Tuning in an i remthan lo a si ahcun CDF Mindat Phu hnih in an i then kho tiah min langhter duhlo mi pakhat nih a chim.

Tutan buainak hi Mindat CDF dirhnak ah a teltu Salai Naing Tan nih a facebook cahmai a tial hnulawng an theih khawh mi a si. Salai Naing Tam nih a tanglei banruk in a fb cahmai ah a tial.

CDF mindat thazaang a thawn khawhnak ding caah cun i kahnak hmun poah a phan mi nih nan ka theih ko lai. CDF mindat chungah keimah nak in kum Upa deuh hi Sya Thang lawng a um .

CDF mindat centra commitee chungtel si bu in keimh nak ngakchia deuh Tat-yinhmu pawl zong upatnak kan pek hna.
Ralhrang he i kahnak voi 40 renglo Ralhrang biatak tein kan teinak Kharnang i kahnak, mengtung 16 i kahnak, meng12 i kahnak , Lehmun i kahnak le Tawmah i kahnak le kanmshnak in milu thazaang a tamtom in a tam deuh mi paw nithum chung cawl kho lo in a dirh onhtu tu Mindat CDf phu cu ka rak hruai hna.

Tu harbak cuvkeimah nih Ka influence mi cungah a duhlo mi phu nih kan inn tiang kal in bia a va chim mi pawl kan ngaithiam kho bak hna lai lo. KNU ah trainning a thlahtu hi keimh phaisa tein a si. Hi lio ah hin AA lei jmanh kan thlah rih hna lo. Tu ahcun keimah palh bantuk in nan chim caah kei cu nanmah he naihniam lo in ka um cang ko lai.Nain fotjlennak tu hi cu ka ngol lai lo.

Keimah a ka zumtu phu pawl i i fonh in ralhrang kan tuk ve ko hna lai. Tat-mahahmu le lungkhat thinkhat tein a ummi paraltha pawl CDF Mindat caah a herh lawng ah kan rak in bawmh cang hna lai.

Tatma-hahmu zung le trsining tuahnak le hriamnam tuahnak department dah tilo cu mi zeibantuk ca hmanh ah ka bawm ti hna lai lo.TYF ,YDF,PDFs(Saw…Kyaukhtu,Pauk ,Myit Chae,Myaing,PKU) telh in CDFs(Dai, Paletwa,Matupi, Kanpetlet hna caah cun ka si khawh chung in hi dothlennak caah kaa zuam lai tiah Salai Naing Tam nih a facebook cahmai ah a tial.

Be the first to comment

Leave a Reply

Your email address will not be published.


*