CDF nih Fim cawnnak (Education) le Ngan damnak (Health) lei kongah budget tam an kalter lo ah a tha

Fim cawnnak (Education system) tha ngeih a tha. Ngan damnak (Health) lei zong a biapi. Nain a tha timi paohpaoh hi amah le caan te ah tuah ahhin sullam a um i that hnemnak zong a chuahpi.

A tu kan boruak ning in cun CDF nih Fim cawnnak (Education) le Ngan damnak (Health) lei kongah budget tam an kalter lo ah a tha rih. Tangka an hmuhmi chung in 65% hi raltuknak (defense) ah kal dih seh. Cun 15% hi din einak ah kal seh, 10% hi Health ah kal seh, 5% hi Education ah kal seh, a tangmi 5% hi general le administration (miscellaneous) ah kal seh.

CDF cu Martial Law (ralkap nawl ngeihnak) hmang in dohthlennak a tuahmi an si caah Public issue kong ah tampi an i thlak lo a tha. Martial Law tuah hnawhchan cu dohthlennak tuah cuahmah lioah public issue nih hnahnawhnak (distraction) a tuah lo nak ding ah i runvennak a si. Martial law ti a sullam cu public law kha pending silole suspension tuah chung khi a si. A ruang cu public issue ruangah dohthlennak a thazaang a der sual lai ti kha phan bikmi cu a si ko.

Cu Martial Law hman cuahmah lio ah kan CDF nih public issue kong biapi ah an chiah i an buaipi than sual a si ahcun dohthlennak rian hi a thazaang a der lai i saupi kan kal kho lailo. Cu tikah teinak tiang phanh lo a fawi te.

Cucaah a cung i CDF budget langhtermi bantukin tam bik ah an chiah ding (focus) bik ding cu raldohnak lei hi a si awk a si i a dang public rian ahhin cun an budget hi an kalter tuk lo kha a biapi bik. Raldohnak he aa pehtlai lomi ah budget tlawm te lawng an pek si loin anmah hrimhrim kha Public issue kongah an i thlak lo a biapi. Cu lo cun raldoh pah in Public issue kong an buaipi rih a si ahcun an lu a ri lai i ningcang in an kal kho lailo.Credit-Mang Khup Ling

Be the first to comment

Leave a Reply

Your email address will not be published.


*