CDF nih Kan Kap Ti Hna Hlahseh Tiah Cawbuk Gate SAC Ralhrang Nih Khuatlawng An nawl Hna no

Hakha cawbuk sang um, check gate cu atu le atu kah a ton caah SAC ralkap le palik a thimi le hliam tuarmi an um lengmang. Khualtlawng mi pakhat min langhter a duh lomi nih cun, “Cawbuk check gate hngak ralkap nih khual na tlawnnak ah CDF na hmu hna maw? An tam maw? tiah an ka hal i, an tam tuk, 5000 hrawng cu an si lai, tiah ka leh hna.

“Cu bia an theih cun, zaangfahnak tein khual na tlawn i, CDF na hmuh hna ahcun kan kap ti hna hlah seh, tiah rak kan chimhpiak te an ka ti. Cupinah kah an kan timh na theih sual ahcun rak kan chawn te tiah an phone number zong an kan pek,” tiah The Chin Post ah a chim.

Cawbuk check gate cu Agust thla 1-8 tiang ah voi hnih kah an tong i, a thimi le hliam tuar mi zong an um, tiah theih a si.Credit-Thechinpost

Be the first to comment

Leave a Reply

Your email address will not be published.


*