CDF-Thantlang Hmunram Ah Khuaibawi Pawl Tonnak an ngei i, mahti hin biachahnak an tuah – Thawngpang Dik Thanh Hna Usih


Thantlang peng Public Administration le CDF-Thantlang humhakmi hmunram ah a ummi khuabawi hna tonnak an ngei, tiah Public Administration, Thantlang nih thawngpang an chuah.

Tonnak cu November 29 in 30 tiang an tuah i, 2022-2023 ah khuabawi ṭuan ding in thimtharmi he tonbiaruahnak an ngei hna.

“Zatlanguknak ah hin fimcawnnak, lam le sul, biacaihnak, police, ngandamnak lei le khuabawi hna hi biapi in kalpi an si,” tiah Public Administration, Thantlang nih an langhter.

“Khuabawi pawl hi kum 1 ah term 1 tuan dingin mahle khuami cio i mipi hna nih lungtling tein thim an si bantukin 2022-2023 chung khuabawi tuan ding zong khuami cio nih thim than an si. Thim tharmi khuabawi hna he i tonpumhnak cu 29-30 November 2022 ni ah tlamtling tein kan tuah khawh,” tiah an langhter chap.

Public Administration, Thantlang nikum November 27-28, 2021 ah CDF-Thantlang nih a humhakmi khuate 51 ah rak thokmi a si i, atu ah cun kum khat an hun tling cang. Crd: The chin journal

 

Chin ramkulh chungah, leitang bomb phummi i lamh sual ruangah, India lei ah aa thlopbulmi minung 100 leng an phan tiah theih a si.

Chin ram chaklei thlanglei ah bomb in aa hliammi minung an tam i, a tam deuh cu, lo kalnak, dum kalnak le sia an kawlnak ti bantuk ah bomb an i lamh sual caah aa hliammi an tam.

November 29 lio zong ah, Matupi Laungban khua ah, nuva hna dum an kalpah ah bomb an i lamh sual caah, an pa cu a hmun ah a nunnak a liam i a nupi cu Naypyidaw sii-inn ah an kalpi tiah theih a si

Breaking News: Hualngoram Chungah CNDF-Falam Nih Khuami Minung Pahnih An Tlaih Hna. CNDF-falam hna nih Rihkhuadar khua mi pakhat (Phone Tower zohkhenhtu) leh Tio khua mi pakhat (Dinti zohkhenhtu) hna cu nizan December 1,2022 ah khan an tlaih hna tiah theih a si.

Tio khua mi pakhat deuh cu a hnu ah an thlah than nain. Rihkhuadar khua mi pakhat bal te cu an thlah duh lo ruang ah

Rihkhuadar khuami mino 100 hrawng cu, a sual a palh lomi, an khuapa va chanh chuah ding ah CNDF-falam camp Lianhna Camp ah cun tlai hnu khuamui kaa hrawng ah an va kal colh. Mipi an phanh thluamah lio ah cun CNDF nih an tlaihmi pa cu

An van chuah than. Thil poipang a chuak manh lo ca ah lawmh a um ngaingai tiah Lalsawm Liana nih a fb ah a taar. CNDF hi Hualngo ram chug Chawhte khua thingram an hual mi zong an laak hau bal I, an coffee dum zong an rak hrawh piak zual hna ca ah Chawhte khua mipi le CNDF karlak ah I hmuh thiam lonak a rak um bal ti ah theih a si.

Thailand Ah Agent Nih A Kaltakmi Myanmar Rammi 13 Thailand Nawlngeitu Nih An Tlaih Hna

========

Thailand ram Turk pengkomh ah motor khaltu agent nih a kaltakmi Myanmar rammi 13 kan tlaih hna, tiah No.34 Thailand ramri hngaktu ralkap hna nih November 30 ah cathanh an chuah.

Phung ning loin Thailand ram ah motor in Myanmar rammi an lut tiin thawng kan theih caah a luancia November 29 zanlei in kan bawh hna i, cu motor cu Turk pengkomh Melamat hmunram sii-inn hmai ah kan hmuh, tiah an langhter.

Cu motor cu kan dirter i dir duh loin Mawwa(မော်ဝါး) khua lei ah a zam caah kan va dawi i Mawwa khua lam kam ah motor cu a dir i, cu chungah Myanmar rammi nu 9 le pa 4 cu kan tlaih hna, tiah an cathanh ah cun an langhter.

Myanmar rammi hna nih November 29 chun in Thaungyit tiva cu tilawng in an tan i Thailand ram ramlak in motor khaltu agent nih a kalpi hna, tiah theih a si.

Tlaih a tongmi Myanmar rammi hna cu Bangkok khua ah rianṭuan dingin a kalmi an si i, minung pakhat ah bath 25,000 in 27,000 kar kan dih, tiah an chim.

Tlaih a tongmi hna cu upadi ning in dantatnak tuah ding in Melamat palik sakhan ah an kalpi hna, tiah theih a si.

 



Source link

Add a Comment

Your email address will not be published. Required fields are marked *