CDF-Thantlang Ralbawizik Nih Kan thinlung in kan duh tak mi Chinmi nih Mahte khuakhaan lai rel nak caah cun.. Zei dirhmun kan phak hmanh ah ka dir than peng ko lai.


CDF Thantlang ralbawizik a si mi Salai Cung Hlei Thawng Thihlum nih a chimmi cu ngaih hna a chia. Lung hna a zur a chimmi cu mahti hin a si.

A lenglei hmuhnak ah cun tlam tling hmanh hlah sih law. Kan thinlung in kan duh tak mi Chinmi nih Mahte khuakhaan lai rel nak caah cun.. Zei dir hmun kan phak hmanh ah ka dir than peng ko lai.. (Kan biakmi kan Pathian cu

teinak sangbik a kan pe kho tu Ralkap bu bawi ngan bik a si.. tiah a tialmi cu a si. Amah hi a hawipa he Bom nih a rak puah hnawh hna i, A hawipa cu ahmun ah a thi colh. Cung Hlei Thawng balte hi hliam faak tuk a tuar i,

Siizung ah caan sau pi aa thlawp hnu ah atu bantuk in Ramchung ah a tlun khawh hi a si. A tutiang a ke cu a ttha kho rih lo i, Tthiangtthunh he a kal. Pasaltha a sinak a lang.

CDF Hualngoram ralkap pakhat cu ram le miphun ca ah rian a tuan cuahmah lio ah December 5 ahkhan ral ram a kal nak ah poipang a tong I, bom I puah sualnak in ram le miphun ca ah a nunnak a pek.

A thi mi miphun ralkap hi a min Lalrawngbawla a si I, CDF Hualngo nih ram le miphun ca ah a nunnak a pekmi cung ah upatnak le ngaihchiatnak an langhter.

CDF Hualngoram ralkap Salai Bawla hi a chanlailing ah CDF Hualngoram chung ah rian a tuan lio ah tuanvo kan pekmi cu felfai tein a tlamtlinhmi a si I, upatnak hmaizah nak kan pek tiah an langhter. CDF Hualngoram hi Falam pengchung le Tedim peng chung ah a cawlcaangmi Chin hriamtlai bu an si I, Ralhrang a do mi an si tiah theih a si.

4 December zanttim ah Halkha No 3 sianginn ah hmunkhuar in ummi ralhrang nih Pu Thang Cin cu an kah. Ralhrang nih an kah hnu ah an va zoh,check dih hnuah a thi cang ti in an kaltak i ,Pu Thang Cin a chung le nih an va kawl i, Agape clinic ah an kalpi.

Pu TC hi a cuap ah kuan nih akhen chih caah Agape in Siizung pi ah an tthial tthan.Zeiruang ah an kah timi fiangin theih khawh si rih lo.

Pu TC hi fa pathum ngeimi si tiah kan theih. ralhrang nih an kah hliammi Pu Thang Cin hi Chinram ah Kanan (mathematics)thiambik pakhatnak a rak si. Tu lio hi, Society of Automotive Engineers (SAE) a ttuan lio si tiah theih si. Bawipa nih damnak pe hram ko sehlaw,cathiam mifim kan ram nih aherhtuk hna e.

Kalaymyo Khuachung Ah Hriamngan A Tlak Caah Nu Pakhat Hliam Tuar. Kalaymyo, Myohla sang ah December 5, zaanlei suimilam 3:00 hrawng ah hriamngan a tlak caah kum 43 nu pakhat a ke aa hliam tiah theih a si.

Khoika hmun in an thlahmi a si zong tualchung mi nih an theilo. Myohla sang nitlak lei Ṭaungphila tlang zawn ah

SAC ralkap nih umhmun an khuar i, cu ka hmunhma in cun Myohla, Indaikone, Sakant(စက္ကန့်) khuachung ah hriamngan an kah tawn tiah theih a si.

Chin ramkulh, khuapi Hakha Rungtlang ah hram a bunhmi SAC ralkap pathum cu, meithal he Chinland Defense Force Senthang sinah CDM an tuah, tiah theih a si.

A luancia November 11 ah SAC ralkap Battalion 266 in ralkap pathum cu, MA 1 meithal zun 1 le kuan tam ngai he CDF-Senthang sinah CDM an rak tuah, tiah CDF-Senthang nih nihin December 6 ah cathanh an chuah.

SAC ralkap pathum cu lunglawm tein kan don hna i lawmman tangka zong kan pek dih hna hnuah an pathum in a himnak hmun ah kan chiah cang hna, tiah an langhter.

CDF -Senthang nih cathanh he an langhtermi hmanthlak ah MA 1 meithal zun 1, meithal kuan 300 leng, kutcheh bomb lung 3 le kuanbawm 3 zong an langhter chih.

A luancia October 8 lio zong ah palik Ni Mang cu BA63 G3 meithal zun 2 le kuan tam ngai he CDF -Senthang sinah a rak zam i lawmman tangka kyats sing 100 an rak pek cang.



Source link

Add a Comment

Your email address will not be published. Required fields are marked *