CDF Vaalpa Timi Hlasatu Salai William TL Thang Nih “Song of The Year Award” A Hmuh. – Thawngpang Dik Thanh Hna Usih


2022 ChinTube Peoples Choice Award peknak cu India ram mizoram khualipi Aizawl ah sungsai taktak in tuah a si i, cu ah cun CDF Ralkap taktak zong a ttuanmi le CDF Vaalpa timi hlaphuahtu le hlasatu Salai William TL Thang nih Song of The Year Award a hmun ca ah lawmhpi cio hna usih. Cu laksawng a laak lio ah a chimmi cu

Kan unau Mizo nih an remh cia mi Mizoram ah zalong tein cun ka um kho lo tiah ka ti. An remh cia mi an ram a si. ka dam lo ruang ah i thlop ah Mizoram ah ka ra i, atu thil ka ton hi a si. Hika hin nuamthlorh in hla a sa ding ka si lo kha kaa hngalh. Atu ka hla hi keimah theng kha si loin CNA le CDF vialte upat hmaizahnak hla a si tiah a chim. cun Red carpet bia an halnak ah

a chimmi cu CDF Vaalpa timi ka phuahmi hi keimah tonmi zong aa tel i, ka hawile tonmi zong aa tel cu hna he pehtlai cun ka phuahmi si tiah a chim. Atang lei ah Chintube Peoples Choice Award peknak zan i hla a sakmi kan vun chiah chih rak zoh ve. Salai William TL Thang cu atu ah Hakha CDF ah ram le miphun caah tiin Chin ralkap

a tuan cuahmah lio a si i, a dam lo ruang ah chikhat te Mizoram ah a hung i thlawp mi a si tiah theih a si. Amah hi CDF Vaalpa timi hla a phuah i, a sak hnu in mi tampi nih an theih mi a si. Atu bantukin Award a hmuhmi cung ah kan lawmh pi tuk.

”Ral a do khomi Mizoram Ralzam vialte, Malaysia ralzam vialte kir viar uh, Thisen in tuanbia tial lio can a si ” Dr.Lian HmuAung La NSang cu a ralai mi Tangkhawng (January) 13 ah Taluk fighter Fan Rong he an i thong lai.

Fan Rong hi Aung La NSang he an i tong bal lo nain Vitaly Bigdash le Reinier de Ridder hna sin ah a sung bal mi a si.(Fan Rong ကအောင်လနဲ့ မတွေ့ရသေးပေမယ့် ဗစ်ဒက်ရှ်နှင့် ရိုင်နီယာ ကိုတော့ ချုပ်ကွက်နဲ့ ရှုံးနိမ့်ထားဖူးပါတယ်

December 10, nihin zing ah, Magway ramtthen Kyaukhtu (ကျောက်ထု) in Saw (ဆောမြို့နယ် ) pengchung ah a raklut mi SAC ralhrang pawl nih chun suimilam 12:00pm tluk ah lothlam pa(2) an kulh i mipi 3 cu meithal in an kahhna hnu ah 2 an nungin an tlaih hna tiah theih a si.

Chun suimilam 2:00pm tlukah Kanpetlet le Saw ramri um, Kyauktaung (ကျောက်တောင်) khua an luhhnawh hna i an tlaihmi hna pa 2 an thlah hna hnu ah tualchung mipi 5 an tlaihthan hna i sualnak ngeilo minung pa(2) cu meithal in an kahthah hna tiah theih a si.

Nihin chun ah SAC ralhrang nih mipi 7 an tlaih hna i, 5 an thlahthan hna nain (2) cu an kahthah hna. Nu pakhat le pa pa(4) an thlahthan mi hna cu an thi tamtuk a cuah caah thlopbul cuahmah an si hna tiah Zalen nih a langhter.

SAC nih nawlngeihnak an lak hnu thla 22 chungah SAC ralkap nih Chinram ah minung 355 an thah hna pinah inn 1,505 an khangh, tiah a luancia November 30 ah Chin Affairs Federation nih cathanh an chuah.A nunnak a liammi hna chungah tualchung mi 167 le Mipi ralkap 186 an si i, kum tlinglo ngakchia 24 an i tel. Hnuk ding lio ngakchia 2 le SAC ralkap uk duhlo langhternak ah 10 an i tel. Cun Pastor 4 zong an thah hna i Biakinn 10 zong an khangh, tiah an langhter.

A luancia November 19 lioah Falam peng Bualte khua pawngah SAC ralkap le Chin ralkap kar kahdohnak a chuah hnu in Pu Hau Cung Nung cu meithal kahnak hliamhma he a inn kam ah a ruak in an rak char, tiah min langhter a duh lomi pakhat nih a chim.Kan khua ning piin kan zam dih hna lioah anih hi zam a duh lo. A hna a chetmi a si i khua a thei lomi a si. Amah le minung pakhat an zam duh lo. A ruak cu an inn he pe 100 aa hlatnak ah kan hmuh, tiah a chim chap.

A luancia November 8 lio zong ah Mindat peng Palungṭwe(ပလုံတွီ) khuami 4 zong SAC ralkap nih mei in an rak khangh hna. Thah a tongmi hna hi mi zeidah an si ti zong kan hngal hna lo, tiah Mindat peng mizapi ukhruainak bu in chimphuannak nawlngeitu Yaw Mang nih a chim.Cu pinah ralhrial in sii thlopbulnak a um lo ruangah tualchung mi 17 cu an ngandamnak ca ah sii-ai an herh ngaingai, tiah theih a si.

Chin ramkulh ah tualchung mi a nunnak a liammi hna kong he pehtlai in SAC kuttang Chin ramkulh in chimphuannak nawlngeitu Thant Zin cu RFA nih phone in an pehtlaih ko nain a cohlang hna lo, tiah theih a si.Chin ramkulh ah SAC ralkap nih nuhrin covo an buarmi vialte cu a ra lami March thla ah tuah dingmi UN nuhrin covo buarnak ceihkhannak ah kan chuahpi lai, tiah Chin nuhrin covo bu nih an langhter.SAC nih nawlngeihnak an lak hnu in Chin ramkulh ah tualchung mi 40,000 leng ram chungin an zam i, India ram Mizoram ramkulh ah ralzam in aa dormi 50,000 leng an phan, tiah theih a si.

 

 



Source link

Add a Comment

Your email address will not be published. Required fields are marked *