CDM A Tuahmi Ralbawi Nih Ralhrang Pawl Raltuk Ningcang A Phuan Dih

CDF KKG sinah a zammi ralkap bawi pakhat nih Kawl ralhrang pawl ral an tuk ning cang cu a tang lei bantuk in a phuan piak dih hna.

Kawl ralkap pawl hi ral an tuk ah an kalnak ding an thei lo. Ke ralkap nihhin khoika an kal lai zong an thei lo. An bawi le nih an chim hna lo. An bawi lei nih map an zoh i an kalpi top hna. Ral an va tuknak cu an khua zong a si kho. An mah chungkhat umnak zong a si tawn.

Tahchunhnak ah cu ka khua ahcun raltuk ah kan kan lai tiin ke ralkap nih an theih sual ahcun an zam sual lai ti an phan caah le anmah le ram peng a si caah ral an tu sual lai lo ti an phan caah a si lai tiin ka ruah ko.

Ke ralkap hna nihhin khoika ah ral kan tuk, khoika ah kan kal ti zong hi theih a si lo caah mah khua ah ral an tu. Mah chungkhar an kah hna. Mah khuami an kah hna. Mipi nih le hriam an tlai ve tikah mah le mah i kah can zong tampi a um tawn.

Chin ramkulh, Magwe ramthen le Sagaing ramthe ahhin ralkap pawl raltuknak ah an sung taktak. Ralhrang rengsang tampi hliam an tuar i hliamtuar mi hna nih Helicopter in Mongywa ah an va kalpi hna.

Ralkap pawl a thi  le hliamtuar an tam tiah hriamtlai nih an thanh tawnmi hi a dik ko tiah ralkap bawi CDM a lutmi nih a chim.

Kawl ralhrang pawl ral an sungh biknak hi Sagaing ramthen, Karen ramkulh, Kayah ramkulh le Magwe ramthen le Kachin ramkulh hna ahhin an si. A thimi an tamtuk cang i hliamtuar mi zong an tamtuk cang.

Be the first to comment

Leave a Reply

Your email address will not be published.


*