Chimh Na Ngai Lo Ahcun Mah Tihin Hrem Na Si Ve Lai

Chimh ngailo pawl cu tihin mipi ralkap pawl nih an hrem cang ko hna. Nang zong chimh na ngailo a si ahcun a tanglei hmanthlak na hmuh bantuk in hrem na si ve lai. Kan ralkap pawl nih tuah hlah uh tiah an timi a pahchih mi pawl khi kanmah Chin ram zongah tihin tuah hna sehlaw ti ka va duh hringhran dah.

Phungning lo in thing a rak luhpitu KNDF nih an tlaih i tikhan an hren.Ngaihthiam a hal hna i ka tuahti lailo tiah a ti hna hnu ah an thlah than.

Loikaw in Mekthila lei ah phungning lo in thing a phurtu pakhat cu KNDF-B03 nih checkhlatnak an tuah i thingphurmi motor pa cu an tlaih.

Mah an tlaih hi June 25 ah a cang mi a si. Tutan an tlaih mi motor mawngpa zong hi KNDF tat-yin 3 hmunhma chungah a tuletu a rak ra lengmang mi a si tiah an thanh. Nain rak check tung theng lo a si i June 25 ah cun an check tik ah a tu bantuk in phungning lo thing a rak phorh i a rak luhpi hi a si.

Mawtor mawngtu pa cu KnDF nih zankhat an buk ah an hren i KnDF phungphai ning in zulh dingah biakamnak a tuah caah KNDF nih June 26 ah an thlah than. A tu bantuk in kan uknak hmunhma chung ah kan in hmuh than hna a si ahcun fakpi in dantatnak kan in tuah hna lai tiah cathanh an chuah.

Be the first to comment

Leave a Reply

Your email address will not be published.


*