Chin Mi Ralzam Bawmhnak Kyat Nuai 2000 Chin Pa Nih A Fir i Zam pi

Ramkip um Mindat bu nih Mindat peng chung ralzam hna caah bawmhnak an kuat mi India rupee 96 ting(Myanmar Ting 2000 kyat) a fir i Chin pa nih a zampi.
Cokhleipar

Ralhrang nih ral lam ser ruangah inn lo chuahtak in a zaam mi Chin ramkulh Mindat peng chung i ralzaam pawl bawmhnak tiah ramleng phan mi Mindat Bu nih an kuat mi India phaisa ting 96 ( Myanmar ting 2000 kyat) hlen an tonnak kong cu Mizoram um Mindat bu sin in theih asi.

Mah zat tangka cu Mizoram a phan mi NLD palai i hnatlaknak in Myanmar ram Chin hrinsor Aizawl khuapi i acumm mi bank account ah an kuat. Cupa cu a min ah Mangliana or Emma tiah an auh.

Ramleng in Mindat bu nih an rak kuat mi phaisa vialte cu a chuah dih hnu ah a zam i a tuhi ai thup ko cang tiah theih asi. Ramleng phan Mindant bu nihcun mah zat tangka cu a bank account pathum chungah nikum 2021 September thla chung ah an kuat tiah theih asi.

Mangliana or Emma a umnak hi Aizawl khuapi ZarkawtvA31 ah a um mi adi. A nulepa hi Thantlang peng Dawn khuami an si i a pa min ah Pu Roland a si. A nu min hi Falam peng mi a si i a min an hlathlai cuahmah lio tiah theih asi.

Manlian or Emma cu chuapi unau pakua an si i a mah hi upa bik a si.A nupi min ahLalinmawii a si i kum thum fanu pakhat an ngei. A nupi hi India-Myanmar lei ah Kunti a zuar ton tu tiah theih a si.Cu phaisa kongkau he pehpah in ramleng phan Mindat bub IMCO ​ခေါ် International Mindat K’Cho Organization i rian tuantuvpakhat nih “ramlak ah a zam mi ngakchi le upa telh in mah bWmhnak in cun siiai le eiding tirawl kan bawmh khawh ti hna lo caah harnak an ton”tiah a chim,

“IMCO ​ခေါ် International Mindat K’Cho Organization nih Emma maw a chungkhar hna sin in mah phasai kan ngahthan khawh hlan lo chung cu Chin Act ning in kan i zuam lai”tiah a chim.

Kum 2021 Semtember thla chung zongah ramleng phan Mindat bu CEA timi nih Thaid phaisa ting8 leng bawmhnak an rak kuat mi zong hlen an rak ton ve cang. Nain mah hlen an ton mi phaisa vialte cu Chin hrin media phu le thawnghlattu bawmhnak thawng in an rak ngah than dih tiah theih asi.Source- Chin World

Be the first to comment

Leave a Reply

Your email address will not be published.


*