Chin Miphun Cungah Atlung Ding Mi Thluachuah –


CHIN MIPHUN CUNGAH A TLUNG DINGMI THLUACHUAH- Van Bawi le vawlei Bawi, LIAN NGAN BIK BAWIPA PATHIAN nih, “Josep bantukin le David bantukin Thluachuah kan pek hna lai,” tiah, a timi Miphun cu, zeitluk indah an Van a Țhat i an i Hlawk mu!!! An i phut ruang le an i tlak ruangah si hin loin, LIAN NGAN BIK BAWIPA PATHIAN i Khuaruahhar a Velngeihnak le Khuaruahhar a Zaangfahnak le Khuaruahhar a Dawtnak ruangah, Vel a ngeih hna i a Zaangfah hna i a Dawt hna i a Sunparnak ding caah Thluachuah a pek hna i AMAH caah aa thimmi Miphun cu, zeitluk Miphun Thluachuak le nahchuah awk le hngar awktlak dah an si mu!

Josep le David nih, BAWIPA tinhpiakmi an phak hlanah, hneksaknak le harsatnak tampi an intuar hmasat ve bantukin, atu ahhin, hneksaknak le harsatnak tampi tong ko rih hmanh u sih law, “BAWIPA Vel hi kan caah a za ko!” Mi ram dang le miphun dang lakah, Josep a cawisang i tuukhal pa David ramchung siangpahrang i a cawisangtu kha; Chin Miphun a kan thimtu, LIAN NGAN BIK BAWIPA kan PATHIAN hi a si.

Cucaah, cu bantukin Vel a kan ngeih i a kan Dawtu BAWIPA PATHIAN cu; hngalh kan i zuam i kan țihzah i kan dawt i a nawl kan ngaih hrimhrim awk a si. LIAN NGAN BIK BAWIPA PATHIAN Vel le Zaangfahnak le Daihnak cu a thimmi Miphun cungah um ko seh. KHRIH sal-lamkaltu Tluang Lian (Martar)



Source link

Add a Comment

Your email address will not be published. Required fields are marked *