Chin National Army le Ralhrang ZRA Tidim peng Singlei Khuakam ah an i kap

Chin ramkulh Tidim peng Singlei khuakam ah Chin ralkap CNA le ralhrang uico ZRA karlak ah April 27 le 28 i kahnak a chuak tiah CNA sin in theih a si. Hi i kapnak ah ralhrang uico ZRA lei in minung pakhat hellram ah an kuat khawh hna.CNA lei kan him tiah spokeperson salai Htet Ni nih a chim.

Meithal thawng thei ning ah uico ralhrang ZRA lei in minung pa20 hrawnghrang an si lai. Kanmah lei a thimi le hliamtuar pakhat hmanh kan um lo. Anmah lei hi minung pakhat a thih cu kan hmuh. I kahnak hi minutes 10 tluk lawng a si. I kahnak hmete ti khawh a si ko.

CNA le ZRA cu April 27 zing suimilam 7 am ah voikhat April 28 zanlei suimilam 3pm tluk ah voikhat i kahnak a chuak tiah spokeperson salai Htet Ni nih nih Zalen ah a chim.

Kum 2021 November 17 ah Tidim peng Ngawsing khuakam ah CNA le ZRA karlak ah a boikhatnak i kahnak a chuak i a tu hi cu a voithumnak a si cang tiah theih a si.ZRA nih January 16 i kahnak a chuah caah a herh ning i kahnak kan thawk cang lai tiah thawngthanhnak an rak tuah.

ZRA cu kum 2021 India ram he aa naihnak hmun ramri Tidim, Tonzang peng i PDA, PDF-Zoland le CDF-Hualngo sakhan pawl cu an rak kah hna i sakhan an rak hrawh piak len cang hna.Zalen

Be the first to comment

Leave a Reply

Your email address will not be published.


*