Chin party fa tete SAC thimnak ah i zuam dawh an si hna


Ahlan NLD chan ah hmunhma a rak hmu ballomi Chin miphun ramkhel party fa tete hi SAC ralhrang tuahmi thimnak ah i tel dawh an si hna, tiah ahlan Chin ramkulh NLD cozah biachimtu Salai Isaac Khen nih RFA a chim.

SAC ralhrang tuahmi thimnak ah an luh taktak ah cun mipi caah rian an tuan si lo in anmah pumpak hlawknak caah rian an tuan tinak si ko lai, tiah a chim chap.

“SAC ralhrang nih pekmi saruh te kha lunghmui ngaiin an teh cun anmah ralhrang tlukceo an si ko lai. Cu party pawl cu ralhrang nun saunak caah rian a tuanmi leirawitu an si kan ti khawh hna,” tiah a chim.

SAC ralhrang tuah timhmi 2023 thimnak ah hin SAC ralhrang nih tlangcungmi party pawl hi i tel ding in a sawm len hna lai. Aruang cu vawleicung ramdang mithmuh ah tlangcungmi party vialte an i tel timi hmuhsak a duh hna, tiah ramkhel thiamsang U Aung Yi nih a chim ve.

SAC ralhrang tawpherh hnawt in thimnak ah an i tel te lai tiah an ruahmi hna Chin miphun party pawl cu Khumi, Zomi le Asho party tete hi si te dawh an si, tiah Salai Isaac Khen nih a ruahdamh.



Source link

Add a Comment

Your email address will not be published. Required fields are marked *