Chin Ralkap Le PDF Fonh Nih SAC Ralhrang Tamtuk An Kah Thah Ve Hna

July 12 Kalay peng chung kahnak ah ralhrang uico pa 12 nak tsm an thi tiah PDF nih cathanh an chuah cang.

Nihin zingka zongah ralhrang uico pawl cu PDF phu fonh hna nih lampi ah bomb an puah hnawh than hna tiah theih asi.

Kalaypeng nitlak thlanglei hmun ah July 11 in khan ralhrang pawl cu milu 200 deng kei in ral lam ser in an kal caah Chin ralkap le PDF phu fonh hna nih an kah hna i nihin zingtisng i kahnak a chuak tiah PDF chungtel pakhat nih a chim.

July 11 ah khan Kalay PDF pakhat hliamhma a tuar i July 12 i kahnak ah ralhrang uico 10 leng an thi tiah PDF pakhat nih social media chung ah a tial.

Cun nihin zing July 13 zingka ah ralhrang uico ral lam ser hna cu mipi ralkap pawl nih lampi ah bomb in an kah than hna caah a thimi le hliamtuar an um len rih lai tiah zumh asi.

Kalay peng nitlsk thlang lei ah hin ral lam hmun hnih in ralhrang pawl an cawlcangh caah khuami pawl ralring tein um ding tiah Kalay PDF nih cathanh an chuah. Hmanthlak Kalay PDF

Be the first to comment

Leave a Reply

Your email address will not be published.


*