Chin Ralkap Nih Nizan Le Nihin Lawngah Ralhrang Ceilak An Thah Hna

Kalay peng Natchaung khua i hmunkhuar mi ralhrang hna cu Mipi ralkap nih nihnih chung pehzulh in an kap hna caah ralhrang uico 7 an thi i PDF pakhat nunnak a liam ve tiah theih a si.
Chokhleipar

Sagaing ramthen Kalay peng Natchaung khua i hmunkhuar mi ralhrang hna cu Hune nikhat ah Chin ralkap VAKOK (CNDF) le a tangti phu nih an va kap hna caah ralhrang uico minung 7 an thi i PDF lei in pakhat nunnak a liam tiah theih a si.

Natchaung , Natmyawng le Chaungkhuah khua i hmunkhua mi ralhrang milu 150 tluk hna cu Chin ralkap le a tangtibphu nih nihin zing le nizan zanlei ah pehzulh in nihnih chung an va kap hna.

“Nizan chun 12 tluk ah voikhat Kanmah nih khua cu kan vun fuh hna kan naih hna hnu ah an hngahnak hmun ah kan va kah hna. Ralhrang hi milu 150 tluk an si caah an tam ngaingai. Cun zanlei 4pm tluk ah boikhat kan va kah than hna. Nizan cu a lengah an chuak ngam bak lo. Tuzing kan va kah than hna lio ah kanmah kan pasal tha hna nih an hmuh bak mi pa7 an thi. Cun an paw ah kan khen mi hna an phei i kan khen mi hna ti bantuk pawl zong an um len” vakok CNDF ralkap pakhat nih a chim.

Tulio hi ralhrang ralkap pawl nih Kalay peng chung Natchaung khau ah milu 150 tluk nih hmun an khuar bantuk in Natchaung hnulei kam khua hrawngah milu 70 tluk le thlanglei kam i milu thazaang 50 tluk hrawng nih an cawlhcangh cuahmah liona si yiah Chin ralkap CNDF nihcun an chim fawn.

Kalay peng chung ah hin ralhrang nih hriamnam ngam in ralzaam pawl an i thuhnak hmun lei hoih in hramgram in an kah hna caah kum nga ngakchia pakhat tel in midang pa4 nih hliamhma an pu tiah PDF Kalay nih cathanh an chuah.Tutan ralhrang a kaptu hna hi Vakok (CNDF)၊ PDF (Kalay)၊ ပ.က.ဖ၊ RKDF၊ CDF (KKG) Hna an si.Ref-Khitthitmedia

Be the first to comment

Leave a Reply

Your email address will not be published.


*