China Nih A Kah Tak Timh Cang~Asean Ram Pawl An Sok Cang Lai

“The Rise of China / Chin a tthangcho tukmi” nih Vawilei cung politics tampi a thlen cuahmah. AUSTRALIA ram caah ttih nung a si. India zong a lau. Japan zong an thin a phang i, South East Asia ram vialte an thin an i dawm dih.

Cucaah, US nih Asia ram ah a policy a thlen i, abik in Australia cu Nuclear thiamnak a pek. CHINA sin in iven khawhnak ahhin India ram hi biapi taktak ah a von tla cang caah, Japan nih hriamnam thatha India a zawrh. INDIA Rili in Supply chain/ Tilawng nganpii a kalnak vengtu ah India nih security a lak.

Chin South Sea buainak ruang ah South East Asia ram le India ram pehtlaihnak a ttha chin lengmang cang. India le ASEAN ram pawl pehtlaihnak ahhin a biapi ngaimi cu, Myanmar ram hi a si. Ka nolh ahcun:-

India le ASEAN pehtlaihnak ah a biapi ngaimi, “India strategic corridor” cu Myanmar / Kawlram hi a si.

Bangladesh ramri hngak, Bangladesh police cu, AA nih an kah pah lengmang hna tikah, India lei analysis nihcun, AA le Myanmar ram i hriamtlai zeimaw hi China nih a bawmh hna. India le ASEAN pehtlaihnak hnawrsuantu ah hriamnam a pek hna, ASEAN ram lakah India policy tlamtling lo ding hi aa zuam tiah an zumh.

Ukraine le Russia buainak nih Vawlei pi a hnawrsuan bantuk in Myanmar ram aa thlen khawhnak caahhin, Inpa ram, China le India hi biapi taktak an si ve.

Cucaah, Chin Miphun le Myanmar rammi nih teinak kan hmuh khawhnak hnga ding caahhin, Innpa ram a simi, India le China karlak politics ahhin it tenh thiam ngaingai a herh ve tinak a si.

Myanmar Ralkap nih an hmanmi hriamnam/ Weapon hi tam bik Russia, China le 3nk cu India hi an si. Asinain 2021 hnu in India Kawl Ralkap sinah hriamnam zawrh cu a ngol.

Cucaah, India nihin Myanmar ram aa thleng ding hi a agenda biapi ngai a si ve caah, a bik in Myanmar le Chin politicians nih India khawmh thiam ahcun, kan dothlennak hi hma a kal deuh hrim ko lai tiah ka ruat ngai. Credit-Zasang Cinzah

Be the first to comment

Leave a Reply

Your email address will not be published.


*