Skip to content
Home » China nih American Ukrane kongah Ralrin A Pek, American A Nihchuak tuk an ti

China nih American Ukrane kongah Ralrin A Pek, American A Nihchuak tuk an ti

Ukraine NATO chungtel ah nan luhter a si ahcun hnu ah a hung chuak ding tihnung pawl na tuar lai tiah China nih American ralrin a pek.

Ukraine ram cu NATO chungtel ah nan luhter a si ahcun nuclear ralbthawhnak telh in tihnung mi pehzulh in na tuar lai tiah China nih American cu ralrin a hun pek ve cang ko. Nain China tuktak hna hi cu ai hrocer sawh a si ko lai tiah American nihcun zeihmanh ah a ruat piak lai lo tiah an zumh.

Ukraine President Zalenski nih NATO chungtelbsi dingah a hal ning tein nan luhter a si ahcun ralthawhnak a zualhma chin lai i nitlaklei ram pawl cu Nuclear hriamnam in kan kah hna lai tiah Russia President Putin nih a thihphaih kho hna tiah an zumh.

Ukraine ram cu NATO chungtel si dingah biaruahnak pawl hi ngol awk a si tiah a liamcia zarh press conference pakhat ah American humhimnak lei ruahnak petu nih a rak chim bal.

American nih Ukriane ralthawhnak ah hin direct in ralkap a bawmh hna lo nain hriamnam in a bawmh peng hna. Cun kan hnuzarh Congress zongah raltuknak hriamnam $12 billion bawmh ding in hnatlaknak an tuah than.

Ruasia nih Ukraine a tuk hlan ah Ukraine cu NATO chungtel si dingah a lungtling mi President Biden nih Russia ralkap pawl cu ralrin a rak pek bal cang hna. EU le NATO chungtel ramri nan hun lonh sual a si ahcun tihnung tuk mi nan ton kho tiah ralrin a rak pek cang hna.

NATI chungtel simi ram poah cu letmat pakhat te hmanh venhim dingah NATO ram pawl le American nih tlinghihiar tein timhtuahnak kan ngei cang ko tiah Biden nih Washington khuapi ah a rak chim bal cang.
Source – Newsweek
Ref; China Warns U.S. of Grave Consequences if Ukraine Joins NATO

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo