China Nih UA A Tlerh- Taiwan Lei Tang Poah Ut Dihlak Ka Kah Hna Lai A Ti

China ram in Taiwan chuahter a timi poah ram cu a hohmanh ka zuah hna lai lo ka phomh dih hna lai tiah China nih US a ti deih ko cang.
Chokhleipar

US president Biden a kai hnu ah China cozah le US cozah cu Singapore ram ah a voikhatnak hmaitonh te bak in nizan June 10 ah biaruahnak an nei. Chinese Minister of National Defense General Wei Fenghei nih a timi cu Kanmah China tam chung in Taiwan chuahpi an timh ahcun China nih ral thawh dingah hnu kan pil lai lo. Rial dihlak in kan phomh colh ko hna lai tiah Taiwan hawikom American U.S. Defense Secretary Lloyd Austin sin ah a chim.

Mi pakhatkhat nih Taiwan cu China ram chung in chuah ding ah ngamngai in an tuah a si ahcun ralhriam lei zeizathmanh dih seh hnu kan pil lai lo” tiah Wei Fenghe nih June 10 Singapore ram ah hmai tonh bak in an i chawn lio ah American U.S. Defense Secretary Lloyd Austin cu a ti.

Taiwan zalonnak ding caah a zuam mi poah cu an cilhmih ding, Kan ram iluknal phungphain le kan hruaining cu kan ven hrimhrim lai a ti. An pahnih karlak i i entainak lak ah a hnu ah Wei Fenghe le Lloyd Austin biaruahnak cu tlamtling in an donghter than tiah theih a si.US le China karlak biaruahnak hi suimilam pahnih tluk an rau. A hlankan in an rak i timhtuahnak in a can sau deuh an lak tiah theih a si.

China lei nih an chim mi cu Taiwan anmah tein i uknak tuah mi vialte ngol in anu ram a simi China sin i finh than ding a si ahcun chim awk um lo ding in kan cohlan colh lai tiah China nih a chim. Taiwan timi hi cu China Taiwan a si ko. Taiwan hmang in China uk an kan timh a si ahcun zeitikhmanh ah an hlawhtling lai lo. Hnu i thawng lo i ral kan tho colh lai an ti.

Tutan US le China karlak biaruahnak ah hin US lei zong nih Taiwan cung i a lungput le a timhtuahnak cu thlen a timh hlei lai lo tiah U.S. Defense Secretary Lloyd Austin nih a chim ve tiah Aljazeera thawngzamh ca nih an tial.

Be the first to comment

Leave a Reply

Your email address will not be published.


*