Chindwin GZDF nih SAC Ralhrang Tilawng Pahnih An Kah I Tamlak An Thi Kho

Sagaing ramthen Kani peng ah SAC ralhrang phu tilawng pahnih cu July 22 zanlei 3pm tluk ah kan kah tiahChindwin GZ Defense Force (CGDF) nih cathanh an chuah.

Monyua khuapi Alung Peng Minthaung Tilawng dinhnak hmun in Chindwin rili zulh in a kai mi humhimnak ralvengtu Gun Boat tilawng pakhat le thilril a phortu pakhat cu an kah tiah theih asi.

Chindwin GZ Defense Force nih Suimilam pakhat tluk in an rak kai. Kanmah nih a hlankan tein kan rak bawhcia chung cang hna i kan phomh colh hna. Tilawng chung cun ruah pa damh in an kan kah lehrulh ko nain aa khawng mi kan um lo.

SAC ralhrang lei hi a thimi an um len ko lai nain pa zeizat timi fiang in kan thei kho hna lo tiah a chim. A tuhi kan hlathlai cuahmah lio hna an si tiah a chim fawn.

SAC ralhrang tilawng pahnih hna nih hin Kani peng an phanh hlan Yinmarbpeng lei in Kyatmyaut khuate kam in an ratnak hmun lamthlan pi kip meithal an rak puah chih len tiah khuami hna nih an chim.

Cun SAC ralhrang pawl hna nih Kani peng Tazechaung, Ngaphet le Pansaing khua lei tiang ralhrang an chiah viar hna tiah theih a si. Kani peng ah hin July 18 in 19 zongah Chindwin tili zulh in a rak kaimi tilawng 13 hna cu mipi vengtu PDF nih an rak kah hna caah tilawng pakhat cu sawpviar in an rak kah tiah theih asi. Ref-DVB

Be the first to comment

Leave a Reply

Your email address will not be published.


*