ChinTube nih AIZAWL ah Program An Tuahnak Aruang An Langhter Cang –


2022 CHINTUBE PEOPLE’S CHOICE AWARD- Kan i timh ningte in 2022 Chintube People’s Choice Award program tlamtling tein Aizawl khualipi ah ai tuah kho. Aizawl lei Organizing team hna le Chintube People’s Choice Award Team dihlak thawng in a si.  Chintube People’s Choice Award program tlamtling tein ai tuah khawhnak cu tangka thazaang in a kan dirkamhtu (sponsors) hna ruang bik ah a si. Sponsor a tuahtu um hna hlah seh law zeitihmanh in hi program hi ai tuah kho ding a si lo.

🗣 Aizawl, Mizoram i kan tuahnak a ruang bik cu Mizoram i a zammi kan unau hna an thlavang va hauh piak duh ah a si. Mizoram i a zammi hna hi ramleng um Chinmi hna nih an dirkamh hna i an zawnruah bak hna ti thei hna seh law zeirel lo in kan umpiak hna hlah seh ti kan duh. Mizoram i a ummi hna zong an hmaihngal seh law an hnangam deuh ve seh ti zong kan duh fawn.

🗣Mizoram i ai dormi kan unau hna hnangam te le zalong te i an ṭhutdir khawh peng nak ding ah hin Mizoram cozah le NGO pawl hruaitu hna he pehtlaihnak ṭha le hawikomhnak ṭha kan ngeih peng a herh caah atu bantuk in Aizawl ah kan tuah i hruaitu hna le minthang pawl zong kan sawm hna i kan kawmh hna nak hi a si. Mizo nan tlonh hna ti lei i a mit au mi zong cu nan um len kho men.

🗣 Tutan kan tuahmi thil nih Mizoram mipi le an hruaitu hna thinlung ah faak pi in rian a ṭuan hrimhrim lai ti ka zumh. Abik in, CYMA, MZP le CYLA tbt. nih kan herhnak poh ah an kan dirkamh lai i pehtlaihnak ṭha zong a kan ngeihter hrimhrim lai. 🗣Alang in Aizawl i tuah a si tikah tlamtlin lo nak tampi a um. Abik in ṭhutnak kong ah tlam a tling lo ngai. Ṭhutnak a ting lo i a lawi mi tampi an um. Kan upa/hruaitu hna ṭhutnak ṭha a ting lomi zong an um fawn. Apoi ngai. Kan lung a ṭha hrim lo.
🗣 Aizawl lei i ṭuanvo a kan lakpiaktu Vanlal Sailova Zo Val le CZi le team cung ah kan ilawm taktak. Anmah thawng in 2022 Chintube People’s Choice Award Program hi Aizawl khualipi i kan tuah khawhnak a ruang a si.

🗣Chintube People’s Choice Award Team nih kan i tinh bikmi cu kan miphun chung ah Pathian nih a phun2 in pahrang a pekmi hna thlircawi le an pahrang ngeihmi kan Miphun caah an hman khawh chin lengmang nak ding ah lam (platform) siampiak i upat awk a tlakmi hna upat i cawisan awk a tlakmi hna cawisan hna ding hi kan i timhmi cu a si.

🗣 Mah le mah ai dirkamh thiam lomi miphun cu zeitikhmanh ah an ṭhangcho kho lo an ti. Chinmi zong pakhat le pakhat kan i dirhkamh thiam a herh i kan cawn zong a hau ngai. Mipi nih Chintube People’s Choice Award Program hi thazang kan pek thiam i kan dirkamh thiam ahcun kan miphun caah santlai ngaimi thil pakhat a si hrimhrim te lai ti ruahchannak nganpi kan ngei. vanceuuk khenglawt



Source link

Add a Comment

Your email address will not be published. Required fields are marked *