Christmas Puai Tuah hi Pluralism le Liberalism Zumhnak He Aa Khat –


Christmas puai tuah hi Pluralism Zumhnak le Liberalism Zumhnak he aa khat mi a si. Laimi cu Pathian bia le thlarau hruainak a duh ngaingai mi kan si. Pathian kan biak mi aa lomhlo zongah kanmah kan ilomh poh ahcun lungtling phun in a ummi hruaitu le hruaimi cu an tam ko lai dah. Baibal chungah a um lo mi December 25 ni Messiah chuahcam i puai tuahnak na lung a tlin rih ko ahcun India ram, Kala pawl (Hinduism) pawl Zumhnak (Pluralism) he Dannak a um ti lo. Cun Baibal chungah a um lo zongah a pawilo mipi kan i lomh ahcun a țha mi a si ko ti hi LIBERALIM pawl zumhnak he aa khat țhiamțhiam rih fawn.

Cucaah Christmas December 25 ni ah Messiah chuahcam ah hman i puai tuah cu LIBERALIM & PLURALISM zumhnak in a ra mi a si. 2Johan 1:9 Khrih cawnpiaknak (Baibal) chungah um peng loin kar hlei a lammi nih cun Pathian kha an ngei lo. Khrih Cawnpiaknak (Baibal) chungah khan a um pengmi nih cun Pa he Fapa he an ngeih hna. “Tammuz (or) Mithras was Nimrod reborn – alias, his son. His wife and mother was Rhea (Semiramis). Egyptian and Babylonian antiquities recognize his mother as Semiramis, and his birthday is celebrated on 25th December.”

Babilon le Ram mi hna pathian nika fapa Tammuz (or) Mithras chuahcam December 25 ni cu Roman Catholic bu chungah Rome Siangpahrang Constantine le Pope Sylvester (1)nak hna nih Jesuh Khrih Birthday ah an hun thlen i an hun khumh mi conglomhnak puai a si. AD 1517 Oct.31 ah Martinluther nih RC a doh i Protestant Khrihfa bu a hun dirh ah khan Hi Tammuz (or) Mithras pathian birthday Dec.25 cu a hun i chuahpi mi a si, cu ni cu nihin Khrifa bu tiangin pehzulh in tuah peng mi puai sunglawi ah a hung si lan. “Hermeneutric Book” ahcun Paul nih fak pi in a rak dohnak an țialnak hmuh ding a um.

Kan Pathian cu “Nahchuak” Pathian a si caah miphun dang pathian biaknak ni sunglawi le an biaknak puai va hrom kha a duh lo bik mi a si. (Ex.34:14-16, Namber 25:1-5). “An puai ah rap ah i foih hna seh law tlu hna seh law dantatnak ing hna seh. “Khua an hmuh khawh nakhnga lo an mit cu caw seh law Harnak an inmi thilrit tangah kun thluangthluan ko hna seh,” a ti fawn. “(Rom Cakuat 11:9-10).

Tammuz pathian Khuachia pa chuahcam December ni 25 cu Jesuh Khrih chuahcam i bunh riangmang in Rom mi hna nih Khrihfa Zumtu tampi thah le hrocel bu i hmanter mi PUAI a si ti hi hawi dawt rak thei ve cang law tiah siaherhnak ka run țial mi a si. Pathian nih thluachuah in pe ko hna seh. Credit: Rabbi Ephraim Lian Rum



Source link

Add a Comment

Your email address will not be published. Required fields are marked *