Chungkhar Minung 7 Voikhat Ah An Nunnak A liam An Thihnak A Ruang Cu – Onlinenungak


Inn Pakhat A Kangh Nak Ah, Chungkhar Minung 7 An Nun Nak A Liam, Kachin ramkulh, Waimaw peng Naungching khuakomh, Inngan khua ah nizan December 1 ah inn pakhat a kaang i unau 6 le an pitar pakhat cu mei nih a kangh chih hna tiah theih a si.

Kangmei hi Inn tang in ai thawk i Phayaungdai an vaan mi in mei aa thok lai tiah kan ruah. An inn tang i an chiahmi datsi pung a puah hnu lawngah kan theih i meiphalh nak caan zong kan ngei manh lo ngakchia kum 2 tel in Unau 6 le an piter kum 70 tluk cu mei nih a kangh chih hna tiah tualchungmi pakhat nih a chim.

An inn a kangh lio ah hin an pa cu leihmun ah a um lio a si i, an nu nih meithah dingin ti cawi ah a kal i a lau tuk nak ah lungfim lo in a rak tlu tiah a chim chap. Inn kanghnak in a nunnak liam mi hna hi piter kum 70 le an fa le ngakchia bik kum 2 in upa bik kum 11, an dih lak minung 7 an si tiah theih a si. CHIN 24

Hringtu Nu vialte an ttap dih, Tu lio world cup bawlung chuihnak zongah min a hun ngei ngai vemi Costa Rica ram i thil cangmi nih vawlei hringtu vialte mithli he a chiah dih hna.

Nai October 30 ah khan, Costa Rica rammi ngakchia kum 8 pate, Julio cu hringtu nu le pa le a unau le hna nuamhnak tiva ah an kal. Nuam ngai in caan an hman lio ah ruah lo taktak pi khin ngakchia pate Julio cu Tisartam {corocodile} nganpi nih a seh;.

An hmuh han ah a luu beu dihlak in a ttam hnu ah aa seh i a chungkhar hmuh han te ahcun Tisartam nih an fapa dawt te cu tiva pi chungah lo diam aa luh pi ko.

A ruak zong kawl awk a ttha ti lo; tiva kam ahcun hringtu a nu cu ngol hngal loin a ttap a ttap i ttah hnawh peng awk a tthat lo caah siang lo bu tein hringtu a nu cu mithli he inn ah an ttin pi.

The New York Post nih interview an tuah lio ah hringtu a pa nih “kan nu caah a har bikmi cu a dawt tukmi a fapa Tisartam nih aa kalpi lio zoh kha a si ee” tiah a ti…

Lung a fak in ngaih a chia kho taktak khi si. Hawile hna, Tisartam nih kan fanu le fapa dawt hi bantuk hin kan hmuh han ah i tlik cio hna sehlaw, zeitluk in dah kan lung a fah cio hnga?? Nangmah hun i siter chun ve hmanh, a fak taktak dahkaw..

Nain mu, hi nak fak deuh hi na fale cungah a tlung cuahmah ve ti kha na ruat bal maw? Na hmuh han bak ah na dawtmi fanu le fapa Hell mei nih ai lengmang in a kangh hna i “ka nu, ka dang a ro tuk, ka ti hal tuk.

Zaangfah tein ti na hun ka pe kho maw?” tiah Hell ram in an hun auh i ti kik dor khat te hmanh na pek khawh te ti lo caan dirhmun na phanh sual ahcun Tisartam nih a fapa dawt aa tlikmi nak in na lungfak deuh te lai dah kaw…

Kan fanu dawt le fapa dawt hna kan mit hmuh ah Hell nih ai lengmang in a kalpi sual hna nakhnga lo, nihin hi rawl ulh zong in thlacam caan a si; Home crusade zong auh piak caan a si.

Vel ngeihnak caan hi a dih te lai; au len zongah san a tlaih lo caan a phan te lai. Au khawh le teimak khawh a si lio caan ahhin ngaichih awk um loin kan fale thlarau nun caah teima hna usih. Hrambik Lian


Post Views: 14



Source link

Add a Comment

Your email address will not be published. Required fields are marked *