CNA/CDF Nih Thantlang Sakhan An Lak Khawh Bal Lonak A Ruang Bik

CNA le CDF nih Thantlang an lak khawh rih lonak a ruang bik hi a tang lei ruang ahhin an si bik ko.

Thantlang cu September 18,2021 ah khuami dihlak nih an chuahtak. September 18,2021 ni ah Thantlang ah kahnak fak a rak chuak i Kawl ralhrang minung 40 hrawng an rak thi.

Kawl ralkap an thih a tamtuk tikah kan thi dih sual lai, an kan thah dih sual lai ti phan in inn duah usih law dai seh an ti caah Thantlang inn cu an rak duah i inn 18 bak a rak kang. Mei kang phalh ah a kalmi Pastor Cung Biak Hum zong ralhrang nih an rak kah.

Cuticun Thantlang cu khuami dihlak nih September 20,2021 tiang ah an chauhtak dih. Pawngkam khuate le Mizoram lei ah an zam dih hna.

Thantlang khuapi chung ah a ummi ralhrang pawl hna an cihmih khawhnak ding ah mipi nih CNA le CDF cu an kianh hna, zalong tein cawlcang kho ding in hmunhma an pek lawlaw hna.

Thantlang khuapi mipi nih an chauhtak hnu ahhin Thantlang ah voi tampi i kahnak a um. Sinain a tu tiang ralhrang kut ah a um peng rih ko. Thantlang ahhin ralhrang hi hmun thum ah an um. Lansung, Aung Bu inn le sakhan ah tiin hmun thum ah an um hna. A thimi an tamtul ve cang caah ralhrang hi 150 hlei lo an um ti lai lo tiah zumh a si.

A kum deng a si cang i ziah CNA le CDF nih Thantlang khuapi rumro cu an lak khawh bal hnga lo, ralhrang 200 hrawng rumro cu an tei khawh hna hnga lo tiah online ah a zaimi tete an um ngai cang.

Pu Thet Ni nih tihin a chim. ” Kawl ralkap he i kahnak ah kan i harh bikmi cu ralring tein raltuk hi a si. An nih ralhrang cu zei hual loin an um. Inn a kangh zong poi lo, mipi an thih zong poi loin an kan kah. Kanmah nihcun inn a kang sual lai maw? Inn ai rawk sual lai maw? Mipi an kan kap sual hna lai maw tiin ralring tein rak kan tuk caah hin a har ngai” tiah a rak chim bal.

Khuapi pakhat ah hmun a khuar cangmi ralkap 200 le 300 kar hrawng sakhan lak hi a fawi lomi a si. Miakpi le ralkap thazang tam taktak hman a hau vemi a si. A lang hlat in bomb in duh tawk kah khawhnak zong tampi hman a hau vemi a si.

Cu pinah Thantlang ralhrang hi mi inn ah an um. Inn chung le inn leng ah rem tein hmun hma an la cang. Ramlak bantuk in duh poh i kah awk an tha lo. A pel tete in pel in a lu a hung manh mi poh kah hau ding phin khin an um.

Cu ruang ah khuapi chung ah ai thup mi sakhan va lak cu a fawi bak lomi a si. CNA le CDF zong khi Thantlang khua chung ti khin um ve hna sehlaw Kawl ralkap pawl nih Jet fighter le Helicopter hmang lo tein cun a la kho ve hlei hna lai lo.

Mahhi mipi kan fian awk a si. A phunzai mi kan tam ngai cang caah zeitindah ralram sining a si timi nan theih cio a hau. Credit: Cung Bawi Lian ( FB )Hi

Be the first to comment

Leave a Reply

Your email address will not be published.


*