CNA Kan Ralkap Hna Nih Hakha Le Thantlang Kar Kahdohnak Ah SAC Ralkap 60 Hrawng An Thah Hna – Onlinenungak


November thla chung ah a cangmi Hakha le Thantlang karlak kahdohnak ah SAC ralhrang 55 leng an thi, tiah CNF nih nihin ah thawngpang an chuah.

“November thla chung ah Hakha khuachung le Hakha-Thantlang karlak ah CNA le ṭangrual bu nih SAC ralhrang pawl kan kah hna i ralhrang 55 leng an thih pin ah tampi hliamhma an pu,” tiah an langhter.

Kahdohnak ah sunghzatlaknak a tongmi SAC ralhrang nih Helicopter 3 le Fighter Jet 2 hmang in dohthlengtu ralkap pawl an kah hna pin ah Rungtlang in hriamngan in an kah chap hna.

November thla chung kahdohnak ah hin miphun ralkap nih SAC ralhrang meithal zun 9 le kuanfang tampi an lakpiak khawh chap hna.

Kan miphun ralkap CNA lei in ralkap pakhat nih ram le miphun caah a nunnak a pek ve, tiah nihin zaanlei ah CNF nih an chuahmi thawngthanhnak ah an langhter.

စစ်ကောင်စီနှင့် CNA တို့ တိုက်ပွဲဖြစ် စစ်ကောင်စီတပ်သား ၅၅ ဦးကျော်သေ၊ လက်နက်များ သိမ်းဆည်းရရှိ/ ချင်းပြည်နယ်၊ ဟားခါး၊ ထန်တလန်မြို့ကြားနှင့် ဟားခါးမြို့တွင်းတို့၌ နိုဝင်ဘာလအတွင်း စစ်ကောင်စီတပ်နှင့် တိုက်ပွဲများဖြစ်ပွားခဲ့ရာ စစ်ကောင်စီတပ်သား ၅၅ ဦးကျော်သေပြီး လက်နက်၊ ခဲယမ်းများ သိမ်းဆည်းရရှိခဲ့ကြောင်း Chin National Army (CNA)က ယနေ့နိုဝင်ဘာလ ၃၀ ရက်နေ့တွင် သတင်းထုတ်ပြန်သည်။

အဆိုပါစစ်ကောင်စီတပ်များကို Chin National Army (CNA)ဦးဆောင်မှုဖြင့် ပူးပေါင်းတပ်များက တိုက်ခိုက်ခဲ့ခြင်းဖြစ်ပြီး အထိနာသော စစ်ကောင်စီတပ်များသည် တိုက်လေယာဉ်၊ တိုက်ခိုက်ရေးရဟတ်ယာဉ်တို့ဖြင့် ပစ်ခတ်ခဲ့သည့်အပြင် ဟားခါးမြို့ ဗျူဟာကုန်းမှလည်း လက်နက်ကြီးများဖြင့် ပစ်ခတ်ခဲ့သည်ဟု သိရသည်။

တိုက်ပွဲများအတွင်း စစ်ကောင်စီတပ်ထံမှ လက်နက် ၉ လက်၊ ခဲယမ်းများသိမ်းဆည်းရရှိခဲ့ပြီး CNA ရဲဘော်တစ်ဦး ကျဆုံးခဲ့ရသည်ဟု သိရသည်။ #TachileikNewsAgency

Relchap: Bochuk Aung San Le AA Twan Mara Naing Hi Pingpong Theory A Thiambik Ansi. 2023 kum ah Ralhrang MAH le SAC thluk cikcek awk ah raldoh cuahmah lio ah, AA nih Raldohnak aa ngawl. Bochuk Aung San bangin Gen. Twan Mara Naing cu Pingpong Theory a thiam bak mi asinak a langhter.

Bochuk Aung San cu Japan ah aum chel, Mirang he aa hawikom chel tiah Pingpong Theory a thiambik mi asi. Cu Pingpong Philosophy cu Panglong ah an hman I, Kawlram zalonnak cu hmuh asi. Tlangcungmi vialte Kawl sal ah kan tla lan ve. AA cu Dangia Waddy Rakhine Ram dirh aa timh mi an si. Rakhitṭah Lamthluan an ti. Panglong ning in Ram dirh khawh asi I, Federal ramkomh siam khawh zong asi. Rakhine ram dirh khawh asilo ahcun Federal an ti ve.

2023 kum ah Ralhrang thlak cikcek awk ah, Ralkap vialte hmunkhat ah fonh cio asi. Kaya nih KNDF (PDF 25 + KNPP / KA), CJDC (CDFs 20s + CNA), Karen nih 25 PDFs + KNU+ DKBA+KNDO/KNLA, KIA + Kachin PDF vialte, tbkin Tlangcung hriamtlai vialte hmunkhat ah funtom cio asi.

Kawl Miphun ERO asimi BPLA, ABIA, MRDA, SAF tbk nih NUG he Alliance an tuah. NUG kuttang PDFs 150 leng cu Division 5 in an ṭhen hna. NUG kuttang lo PDF LDF 200 leng zong NUG he I fonh ding ah an I zuam cuahmah. AA telin Cunglei ah kan langhter mi Hriamtlaih phu hna pawlkomh in NUG nih Federal Army siam cu aa timh cuahmah, Ralhrang Rallokap cu Nifatin doh an si ve. Culio ah AA nih raldoh kaa ngawl chung a ti mi cu mikip nih buaipi asi. SAC he dohnak ah Thazang a zawr ter I, SAC nih Thazang hrimnak can a ngei. AA Raldohnak le Vanlawng in kahnak caah USD million tampi a semrel khawh ve lai.

Vanlawng in Voikhat an kan kah ahhin USD 1 million hi a dih (Atlawmbik). AA tuknak ah a hman mi Hriam, Phaisa, Jet Fighters cu Sakai, CHIN tuknak ah a hman cang lai. Rakhine ah aum mi Rallokap 40000 cu CHIN le Sakai ah a chap hna lai. AA cu Raldohnak naa ngawl chung awk asi lo tiah EAOs hawikom nih an ti tikah, Dum chung le kawm tang ah a um mi Ar (Chicken) cu kan duh tik poah ah kan tlaih khawh, kan thah khawh tiah a leh hna. Pingpong Theory ah Twan Mara Naing cu Bochuk Aung San nakin a thiam deuh nak kha an kan hmuhsak.

2020 November ah Sasa Kawa, Nippon Foundation, Japan ruangah AA le SAC cu Peace an tuah. Rakhitṭah lamthluan in an kal colh. Rakhine phunghrampi an suai, Rakhine Acts in an uk ter hna, Rakhine Siang Inn an on, Rakhine ram hla an sa, Rakhine Thantar an thlai, Rakhine Biaceihnak zung an on, CDM tuah le Sandah piah an khap caah SAC nih an bawmh lawlaw hna. Rakhine ram 70% cu ULA / AA nih kan uk cang tiah Media ah an thanh.

75th Union Day, MAH SPH sinak puai cu Twan Mara Naing le AA bawirual an kai ve. SAC Peace cu an kai ve lo. NCA bantuk siloin EAOs phukhat cio he lawng tawnnak asi caah AA caah poinak aum lo. PEACE tuah karah, Rakhitṭah lam in an kal mi cu SAC nih an bawmh hna caah AA caah hlawhtlin asi cang.

AA le NUG alliance an tuah rih in buainak hram aa thawk. Rakhitṭah lamthluan cu SAC nih hnahnawk le hrawk an timh colh. AA nih uknak, Biaceihnak, Sianginn ah an hmang mi hna cu SAC nih 230 leng an tlai hna I thong an thlak hna. SAC nih Ramdang le peng dang in an phur mi Tirawl Eidin Sii ai vialte cu an phih dih. A phur chihmi cu an tlaih hna, thong an thlak hna. Cucaah 2022 August ah AA nih an kah hna.

Rallokap Support nak lam, Rangoon – Sittwe cu AA nih an lak I, an control colh. Bangladesh ramri Gate cu AA nih an tuk I an lak. Ralhrang Sakhan 30 leng an lak. Sakhan an lak khawh lomi cu thilri le eidin tirawl kuat khawh lo ding in lam an phit. Pungnaa tikulh lam cu AA nih an control dih. SAC nih Jet Fighters le Helicopter in a kah hna nain AA cu an tei ti lo. Rallokap cu tirawl loin thih ding in an hrem hna. Rallokap nih an celh ti lo caah Sa Sa Kawa an sawm colh ve.

AA nih Bangladesh Ramri gate cu an lak dih I an control nain, ramri um Bangladesh nih Rakhine mipi an ram ah an lut ter duh hna lo. Rohingya ruangah Rakhine miphun a huat tuk Bengali an rak si ai. Chin Miphun umnak Bawm ram ah Rakhine miphun an kal tikah an lut ter duh hna lo.

Kuki Ralkap cu AA le Bangladesh nih an tuk caah, Mizoram ah Bawm miphun Ralzam tampi an um cang. Rakhine mipi cu Bangladesh in Tirawl le sii ai cawk in an lut pi khawh ti lo. Ramri um Bengali le Bawm miphun nih RSO le Kuki Army cu an zumh hna I AA le Rakhine miphun cu an huat hna. AA nih a lak cia mi SAC Sakhan ah RSO nih an um caah kap hnih kahdoh nak aum tawn ve. Bengali ramri he aa naih nak Chaklei lam asimi Maungdaw lampi thluan cu SAC nih RSO bawmhnak in an control ṭhan.

Rakhine mipi cu Israel nih Palestine miphun cu Gaza ah zeizong te an phih dih hna bang in an nung in thah ding dirhmun an phan cang. Rakhine mipi caah an thuan ciami facang ṭuan lawng kha a tang cang. Cucaah Rakhine mipi tampi nih Kahdaihnak tuah ding ah AA cu an nawl lengmang hna. Cucaah MAH hawikom Sa Sa Kawa Rakhine aphan lio, 2022 November (Thla 4 raldoh hnu) ah Kahdaihnak cu AA nih an cohlan.

AA nih Mipi zawnruahnak ah PEACE kan tuah chung mi asi. Rakhitṭah lam in kan kal ko lai, SAC nih mipi an tlaih hna, Ramri in a ra mi thil an khap, Rakhitṭah lam hna an hnawk ahcun: raldoh colh asi ko lai tiah AA nih an thanh cang. AA nih Rallokap a phih mi hna le an erh mi cu lam an on piak cang hna.

Rakhine mipi nih facang ṭuan hna seh, sii ai le a herh mi dang I zalh can ngeih hna seh, AA nih Rakhitṭah phung in Rakhine ram kan uk rih ko lai, tihi AA chunmang cu asi. SAC nih an zulh khawh lai lo I, an I kap colh ko lai ti hi zumh cio asi ko. By- JRT


Post Views: 16



Source link

Add a Comment

Your email address will not be published. Required fields are marked *