CNDF-Falam Nih Ralhrang Tender Tuanter In Phaisa 10% Kan Laak Hna i, Kan I Tthathnem pi tuk tiah Video in fiang ten an chimnak rak zoh ve hmanh – Thawngpang Dik Thanh Hna Usih


CNO/CNDF nih ralhrang nih tender an auh mi cu an tuan ter hna hi 10% in an laak hna tiah mipi nih an chim ceih tuk caah,, mipi nih CNDF kha cutin khatin an um tiah an i soisel pah hna caah CNDF lei nih leh awk a tha mi um hnga maw tiah vaurawng zuunthil biaruahnak ah an hal hna i. CNDF lei an AGS salai Cung ngai nih a chimmi cu

mah kong hi cu pumpak tu in hal sisehlaw, mipi sin ah cun chim awk a tha lo tiah a chim. A chim fiang ngam lo tiah theih a si. Cu lawng si loin  Vaurawng biahaltu Pu Van Kung Ling nih a hal chapmi hna cu Ralhrang Tender 10%  nan laakmi cu ralkap ca ah a si ti kha ka theih mi a si i, CNDF ca ah an tthathnem hna maw tiah a hal i,

Cun CNDF FALAM lei in Salai Cung Ngai nih Ralhrang Tender hi kan ong mi si lo, CNDF nih kan kham lo mi a si. Cu tik ah Cheukhat Tender a tuanmi tete an um. Cu hna nih phaisa kan in pek duh hna a timi tete an um. Cucu fiang ten phaisa cu kan laak ko. cu vial cu chim ko ning law, a dang tthat hnemnak a um maw timi cu

phaisa ti hnuhnu cu  kan hriamnam ca ahcun a thahnem ko. meithal ka neih chinchin khawhnak ding zong ah kan ttha hnem pi ko. bia dang cu saupi  hi kong ahcun a chim lai lo, kaa lawm tiah bialehnak cu a tuah hna. CNDF-falam nihhin Falam peng ah Ralhrang tender an tuanter hna i, phaisa an laak hna tiah Social media an zamh tuk caah Chin mipi nih soisel an tong ngai. CDF dang nih cun Ralhrang Tender tuan i an pengchung cio ah an kham tiah theih a si. atang ah a biachimnak video kan chiah rak zoh ve.

Salai Lungthli Tum : Dohthlennak Phaisa Kengtu Bossy Pawl Le An Lobbyist Pawl Nih. Pu Ro le Neymar kong kan buainak ah ChinTube puai ka zoh manh ti lo i aho te pawl nih an ngah timi ka thei ti lo. Nain, Malay ummi muidawh nute Biak Cin Sung nih sipuazi lei minthatnak a ngah an ti i kai lawm ngai ve.

Aidii, Biak Cin Sung, Hannah Yeoh, Hakha Town Coffee, The View Restaurant (Hakha), Buteria(Yangon) hi Laimi sipuazi tuahtu lakah ka uar bikmi an si hna. Fawi tein phaisa hmuhmi rian an i thim lo, an tuanmi an business kha harnak tampi pah chih in zapi zoh chomi brand pakhat ser an i zuam. Upatnak pek a phumi an si.

ChinTube an thil tuahmi ka uar tuk, pehzulh kho zungzal hram hna seh. Bossy pawl nih thilthuam man fak taktak (international level) an i hrukmi caw-ngia nak ‘red carpet’ an tuah chihmi belte ka uar tuk lo. Mizo pawl nih ‘hitluk an rum ko ahcun zohkhenh an hau hme maw?’ an kan ti sual lai ka phang pah.

Dohthlennak phaisa kengtu bossy pawl le an lobbyist pawl nih mah puai kha lornak le i cua nak caah an hmanmi ka lawhter pah caah ramtang um mino le plastic inn/thlam ummi ralzam ka zaangfak hna. Kanmah kan i nuamhnak ding caah nanmah tei rial ko kun u timi he ai lo pah ka ti. Credit: Lungmili Post

2022 December 11 – Chin ramkulh, Hakha khua ah zaan sml 7:00pm hrawng in bom thawng a than hnu ah khuahlun sang lei mipi inn a kaang tiah thawng kan theih.A tulio boruak kong he pehtlai in thawng a langhter tawntu upa pakhat zong nih Hakha khua, khuahlun sang lei inn kanghnak kong a facebook cahmai ah a langhter ve.

Dawrhlun sangmi pakhat nih “SAC hriamngan kuan pawl ceuduk in an zuan kha kan hmuh. Cun khuahlun biakinn thlanglei ah mipi inn a kang mi zong kan hei hmuh khawh” tiah The Chinland Post ah a chim.

Sihmanhsehlaw hi mipi inn kanghnak kong he pehtlai in The Chinland Post nih adang tein kan fianter khawh mi a um lo i zeiruang dah a kangh le mi zei nih an khangh ti mi zong a fiang in kan langhter kho rih lo.

A luancia zarh chung zong ah Hakha khua No. 3 B.E.H.S ah a um mi SAC ralkap pawl nih zaan ah mipi pakhat meithal in an kah i a hmun ah a ril, hliamhma fak ngai in a tuar nain a nunnak cu a him rih tiah thawng theih a si.

 



Source link

Add a Comment

Your email address will not be published. Required fields are marked *