Skip to content
Home » CNF/A a țank bak mi pakhat ka si nain Kai tuar ti lo caah ruahnak cheuh kan duh hna

CNF/A a țank bak mi pakhat ka si nain Kai tuar ti lo caah ruahnak cheuh kan duh hna

CNF/A a țank bak mi pakhat ka si nain CNA upa pawl ruahnak cheu ding ah nai tlak lo nan ka ti ko lai nain a si kho ti lo. Kai tuar ti lo.

Raltuk strategy (ningcang) nan thlen lo ahcun Kawl ralkap nih CNA an phil peng ko hna lai.

Nan thlen hrimhrim a herh cang hi mu Maw CNA ralkap pawl.

Kawl ralkap nih CNA an phil mi hna hmanthlak hi Fifty Two timi an page ah an tar pah lengmang i, ruak pahra nak tampi an tar cang. Nain CNA nih cun mah zat kan thah cang hna an ti lengmang nain Ralkap ruak pakhat te zong ni hin tiang ah an tar kho rih lo. Falam le Hakha kar kahnak zong ah cu zat motor kan hrawh, cu zat kan thah hna an ti peng nain ruh pel pakhat hnih photo dah lo a dang ral ruak taktak an lak khawh mi um bal lo. Nain kan mah lei thi mi ruak tu cu Ralhrang sin in siseh, kan mah mipi ralkap sin in siseh, an photo tam tuk te kan hmuh cang hna.

Hi ruang ah hin ka lung fak tuk ve. CNA strategy a rannak in thlen a hau cang. CNA strategy hi zapi nih cun nan thei lai lo. Nain kei cu ka theih. An strategy biu-ha cu CNA ralkap pa nga ruk te te in umter a si. Tahchunhnak ah Kawl ralkap an ra ti tikah maw, an bawh hna ti ah maw, an va pel i va kah tik hna ah tiah maw, zei tik hmanh ah minung 10 cung in an chia bal hna lo. Cucaah cover piak tu zong nei lo in an um peng.

AA Army kan zoh hna a si ahcun Kawl ralkap minung 50 an si ahcun AA 100 paoh nih an but hnawh colh hna i cawl kho loin, lu hmanh cawi ngam loin an tuah hna. Nain CNA cu minung 100 in voi khat taktak zong hmun khat ah hmun hma an la bal lo. Tahchunhnak ah Falam le Hakha kar i kahnak hna ah khan CNA cu a zaa leng an si ve ko nain minung pa sarih riat tete in an țhek dih hna i, Kawl ralkap nih le a tom tom in hmun khat an rat tikah an zam manh lo ahcun an pa sarih riat ning nawn in an thah colh lengmang nak hna kha a si. A dang pa sarih riat bu le a hlat nak pi ah an um caah an i bawm kho lo.

Minung pali nga tete lawng in an țhek tik hna ah an thla kam, an thla duk i, Ralkap 30 le 40 hrawng an hmuh hna hmanh ah a therh hna i, a hnu deuh ummi nih an zuk phiak tawn hna caah a hmai deuh um mi hna cu zam manh lo in an thi țheu. Cover kah piak tu zong an nei huaha bal lo. Cun khur cawh i, bawh ti bantuk hi hmun tam deuh ahcun a um lo caah an pawng kam ah RPG kuan a tlak ahcun an thih lo hmanh ah lo phiar an zam colh nak hi a si.

Cucaah a si khawh ahcun CNA zong hi minung a zaa zaa in hmun khat ah pum khawm hna u law, khur cawh zong fel u law, ralkap 20 hrawng i a hung kai mi bang hna kha cu a hlawm in nan hlawm colh ko hna lai. An mei thal le kuan chuh mi hmanh kha a tha hnem tuk. AA le KNLA bang hna khi cu Kawl ralkap kuan le meithal an chuh mi hmanh hman cawk lo nawn a si cang.

Kawl nih သာလွန် အင်အား an ti i, kan ral pawl nakin minung tam deuh in rak dir onh peng ding an si. PUBG ai celh mi bang nih cun nan theih tuk lai. Zei tluk kah ka thiam ko ti zong ah minung pakhat lawng hna kan si i, enemy pa thum hrawng nih an van i cover piak i, a hmai, a sir lei hna an van kan phomh ahcun kan thi colh ko… A leng raltuk zong ah hin minung tam deuh in hmun khat ralhruang ser ter hi a bia pi tuk. Ral zong a that ter deuh. Mi ral chia tete hmanh a zaa zaa in hmun khat ah țan van lak ter hna ahcun an ral tha.

A sang sang i vuak, chungkhat le chungkhat i vuak hmanh ah mi tam deuh nih a tlawm deuh mi cu tei deuh peng a si ko. A tu CNA strategy cu pioh cia guerrilla Warfare phun kan hmang ti a si nain a tu bantuk caan ahcun a ngah lo. level san ter deuh a hau. Sang le Sang i vuak ah sang khat lei in minung 100 ra hna seh, kan nih lei in minung 200 kan um ko nain 10 tete lawng in thlah hna usih law a ho sang nih dah a tei lai. Ruat ko u caa. Cucaah Ralhrang motor pakhat hnih men i a kal ko mi hna cu, lam chak, lam tlang lei he hmanh a zaa zaa in, neih tein khur cawh hnu ah bawh hna u law a motot he minung hi hlawm khawh dih ding pei a si ko cu….

CNA zong kungkaa pawl in Kawl ralkap umnak gate lei ah khin va kal u law, Ralhrang le bang nih cun lam chak zong in an in bawh hna lai lo. Lam lai bak in an in bawh ko hna lai. Van lawng zong an hmang lai lo. A ngan bik RPG lawng an hman lai. Cun an auto mei thal a si ko…. CNA zong nih mah pawl cu nan i neih ve ko caah Lam pi zulh in motor pakhat pahnih a ra nulh malh ko mi zong minung pahnih thum te lawng hna bawh ter cu, a si kho lo. Mei thal voi khat hnih nan puah i nan lek tak colh hna ko cu teh…… Cun a kar lak ah Cover piak tu zong an um ti lo ruang ah i zuuk manh loin a thimi kan pasal tha an tam tuk cang…. AA te hna, KNLA te hna tham pali nga kan thi an timi ah khan Ralhrang camp pei an ting cu. Hriam tam tuk te an chuh hna. Tam tuk te an thah hna. Credit- Jacob Paul

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo