CNF/A le CNDF nih ralhrang An Thah Mi Zat Cathanh An I Dannak

CNF CATHANH LE CNDF CATHANH AA KHAT LO

Lai ramkulh ah ralhrang motor 30 hrawng le thazaang 200 leng cu 30 Chiapa 2022 ah Kalay in an rak kai i Falam peng, Tuphe khua ah thazaang 50 hrawng nih riahbuk an chiah, khuachung inn zuat sațil arva, cinthlak tisik-anhnah hna cu an fir piak hna.

Cun ralhrang nih Falam peng, Valung khua ah kum 63 mi mitlamtling lo nu pakhat le 2 Pur ah Hlanzawl khuami mitlamtling lo pa pakhat an thah hna.
Falam lei hoih in a thawhmi ralhrang motor cu 4-5-7 Chiapa ah CNDF nih an kah hna i, voithum kahdohnak ah ralhrang a tlawmbik 5 an thi hliammi zong an tam caah hliammi zat fianghlang in theih a si lo. CNDF lei in minung pakhat ( thinphan awk si lo) hliam a țuar.

7 Chiapa ah Falam in Hakha lei ah a thawhmi ralhrang motor 27 le thazaang 200 hrawng cu Falam-Hakha lamcung mengtung (10)(13)(24) ah CNDF telh in CNA, CDF Thantlang, CDF Hakha le CJDF Special ralkap nih 8 – 11 Chiapa nili chung kahdohnak ah ralhrang 40 hrawng an thi i hliammi zong an tam, CJDC Special ralkap nih 16 Chiapa tiang pehzulh in an kah hna.

Kahdohnak ah CJDC chungtel pakhat nih miphun le ram caah a nunnak a pek i, minung 14 hliam an tuar tiah Chin National Organization nih cathanh an chuah.

CNF nih cun 8-16 Chiapa ah ralhrang le CNA, CJDC (Special Force) CDF Thantlang, CDF Hakha, CNDF fonh hna he kahdohnak voi 8 a chuak i ralhrang 60 nak tlawmlo an thi 17 hrawng nih hliam an tuar.

CJDC ralkap in minung 2 nih miphun le ram caah an nunnak an pek tiah Chin National Fornt nih cathanh an chuah. The Lairam Time

Be the first to comment

Leave a Reply

Your email address will not be published.


*