CNF/CNA le NUG Nih Peletwa Kan Control Lai Tiah An Chim – Thawngpang Dik Thanh Hna Usih


CNF/CNA le Paletwa nih Paletwa Control an duh nak kong cu mah ti hin an chim cang. CDF Paletwa fund kawlnak Zoom Meeting ah CNF Vice Chairman Dr. Lian Hmung Sakhong le NUG Palai Dr. Sasa nih an chimmi cu Paletwa hmun ram control an duhnak kong cu mahtihin an chim

Paletwa hmun ram kan laak khawh ahcun Ramleng he fawi tein kan i pehtlai khi lai tiah mipi sin ah chim phuan nak an tuah. Chin ramkulh PALETWA peng hi Rakhine Hriamtlai AA nih 2009 in khan an rak luh hnawh cang i, an rak um hnawh. Paletwa peng tthen hnih an tthen khat cu

AA pawl nih an um hnawh dih. Paletwa peng le a pawngkam hrawng lawng Kawl ralhrang nih an um hnawh khawh i, Khuate lei le Rakhine ramri pawl cu AA nih an hmun ram bantuk in  an uk. Min Aung Hliang AAnating hnu ah CDF Paletwa an dirh ve nain phaisa an har tuk ruang ah

an duh bangin an cawlcang kho lo i, Paletwa peng chung ah kan hmun ram ti ah chim khawh mi an nei kho rih lo. Atu bantuk dirhmun a si caah NUG le CNA nih thinlung biatak ngai in Paletwa peng cu an buaipi i, Ramleng he i pehtlaihnak ah a tha tuk tiah an chim. Dr. sasa nih Paletwa hmun ram kan control khawh ahcun

fawi tein ramdang KAN  pehtlaih khawh lai i, Paletwa ah hriamnam le thilri kan herh mi hna kan phurh luh khawh lai, cu tik ah dohthlennak ca ah tampi a thahnem lai tiah mipi sin ah a chim. CNF hruatu chang Dr. Lian Hmun Sakhong zong nih

Paletwa hi ramdang he riantuan tti nak ding ah hmun ram tha tukmi a si i, PALETWA hmun ram kan laak khawh ahcun kan miphun dihlak ca ah hlawknak tampi kan ngei lai tiah a chim ve. CNA le NUG nih Paletwa laak an timh ahcun Ralhrang lawng si loin AA zong a doh chih a hau.

Hramhram uknak chut-tu Min Aung Hlaing cu Myanmar caan Dipa [December] 1 ah Pyin Oo Lun phanh ding a si i Dipa 2 ah ralkap training 64 nak dih puai ah aa tel lai. Cun DSAT sianginn dih puai zong ah aa tel lai tiah theih a si.

Dipa [December] 15 ah Meiktila Air Force (လေတပ်) ah tuahdingmi Ralhrang hna i Air Force Kum 75 tlin puai zong ah aa tel ding a si i mah puai ah cun Rusia ser SU-30 raltuknak vanlawng thar hmuhsaknak zong tuah an timh tiah theih a si.

”Air Force (လေတပ်) Kum 75 tlin puai cu hlunghlai tak in tuah a si lai, Rusia lei zong sawm an si i an ra lai. Vanlawng thar pawl zong hmannak tuah a si lai,” tiah ralhrang lei thawngthanh nak in theih a si.Khual lam kong belte an humhimnak ca ah an chim chung lo tiah theih a si.Source: Khit Thit Media

MOU in Thailand ah phungning tein riantuan ding ah a kalmi Myanmar mi 3 cu an i tinhnak hmun an phanhlan lam tanțim ah an motor aa leh caah an nunnak a liam tiah theih a si.

Nunnak liammi 3 hna cu Shan ramkulh Pinlung peng Htiyun khua ah ummi Khun Han Aung(kum 19) le a rianțuan hawi minung 2 an si tiah theih a si.

Ramchung buaibainak ruang ah le thilman an kai, hartong an tam i rianțuan ding a har caah ramleng kal ding in MOU system hmang in phaisa tampi dih in ruahchannak tampi he November 29 ah Pa Khun Han Aung telh in Myanmar rammi mining 45 cu khualtlawng motor he zaan ah an chuak hna tiah theih a si.

An i tinhnak hmun an phak hlan lam tanțim Mesauk-Bangkok lampi km 68 hmun pawng an phanh ah motor in cangsual an ton caah Khun Hai Aung telh in Myanmar mi 3 an nunnak a liam i, midang Myanmar mi hna zong hliamhma an tuar hna tiah theih a si.

 



Source link

Add a Comment

Your email address will not be published. Required fields are marked *