CNF Htet Ni: Ralhrang Pawl Nih Tank Le Jet Fighter Hi Chinram Ah An Hmang Kho Lo

CNF Htet Ni: Kawl ralhrang nih raltuknak ah an bochan tukmi jet fighter le raltuknak Tank hi an duh ning in an hmang thiam lo, an hmang kho lo.

CNF in chimnak nawl a ngeitu Pu Htet Ni nih Kawl ralkap nih Chinram ah raltuknak Tank a van rat pi mi le Jet fighter an hman ning cung ah a ruah ning le hmuh ning a chim.

Kawl ralkap hna nihhin Chinram fing le tlang le horkuang pawl a um tu ning an thei lo, an fiang kho lo. A liamcia November thla chung in pahnih Hakha ah pahnih le Mindat lei ah pahnih an van i ken. Cu pawl cu a hman nak an thei lo, an duh ning in an hmang kho lo.

Raltuknak Jet fighter zong Chinram ah an duh ning in an hmang kho lo. Kan ram fing le tlang le sining an theih lo caah an duh ning bang an hmang kho lo. Russia thiamnak le fimnak cu Chinram ah hman tim hmanh hna sehlaw a taktak ah an hmang kho lo tiah CNF in Pu Htet Ni nih a chim.

An mah Kawlran bantuk in ram a phawng dih mi le cung van zuan ah tang a lang dih mi bantuk ah an ruah. Fing le tlang, hor kuang le bo a tammi hi an fiang kho lo i ralhrang pawl nih an bochan mi hriamnam hi an hman khawh lonak a si.

Chinram ah khua chung dah ti lo thingkung sang in a khat mi a si. Thing kung tang ah le hor ah um a si caah cung i an zuan zong ah khoika zawn kan kah lai timi an fiang kho lo. Raltuknak Tank zong in khoika zawn kan kah lai i khoika a phak lai timi an fiang kho lo.

Cu ruang ahcun Chinram ahhin Kawl ralhrang raltuknak Tank le Jet fighter hi tih tuk awk a um lo tinak a si ko.

A liamcia kan hnulei ahlhan Kalay in Hakha Ah Tank he an rak kainain kan mino pawl nih an kham hna caah Kalay-Hakha nikhat kalnak lampi vu Zarhhnih chung lampi an an erh i an duhning in Tank zong an hmang kho lo. Cun Mindat  le Matupi kar ah ralhrang pawl Motor 75 le raltuknak Tank pahnih tiin ni 9 chung an rak i erh khan nan theih rih ko lai.Raltuknak Jet fighter le Helicopter zong nih a bawm hna lo. An raltuknak Tank zong cu an hmang kho lo.

Matupi le Mindat CDF nih an thah thlu deng hna kha mu. Cuccah Chin ram chung ah naitan thal chung hmanh ah Tank le Jet a hman nak an theih khawh lo caah tuhnu furpi le bang ahcun Tank le Het vanlawng hna cu tih ding pakhat hmanh a um ti lo.

Be the first to comment

Leave a Reply

Your email address will not be published.


*