CNF Salai Htet Ni- Hakha Pawngah SAC Ralhrang 12 Kan ralkap Nih an kah Thah hna

Hakha pawngkam August 5 kahdohnak ah SAC ralkap 12 an thi, Hakha pawngkam le khua chungah pehzulh in kahdohnak a chuak

Chin hriamtlai phufonh le SAC ralkap hna cu August 5 lawngah kahdohnak voithum a chuak i SAC ralkap a thimi an um tiah CNF biachimnak nawl a ngeitu Salai Htet Ni nih People’s Spring ah a chim.

August 5 ah Hakha-Thantlang karlak, Timit va le Hakha-Gangaw karlak ah kahdohnak a chuak tiah theih a si.

“August 5 ah kahdohnak voithum a chuak, SAC ralkap 12 an thi i 8 an i hliam” tiah CNF biachimnak nawl a ngeitu Salai Htet Ni nih kahdohnak he pehtlai in People’s Spring ah a chim.

August 8 zinglei zongah Hakha Palik sakhan lei in kahdohnak thawngpang theih a si.

Hakha pawngkam ah Chin hriamtlai phufonh le SAC ralkap karlak ah July 28-August 8 tiang kahdohnak hme/ngan he pehzulh in a chuak.

Kahdohnak a chuah fatin, Hakha khua Rungtlang ah hram a bunhmi SAC LIB 266 le Independence Monument (လွတ်လပ်ရေးကျာက်တိုင်) lei in SAC ralkap nih hriamngan kah a bawmh lengmang hna.Credit-Thechinlandpost

Be the first to comment

Leave a Reply

Your email address will not be published.


*