CNF Vice Chairman Dr. Lian Hmung Sakhong Nih AA Umnak Paletwa Cu Laak A Duhnak Kong A Chim – Thawngpang Dik Thanh Hna Usih


Kan hnu zarh ah khan CDF Paletwa Fundraising an tuahnak ah Paletwa kong biatak tein an ceih i, cu ahcun CNF le NUG nih PALETWA hmun ram laak an duhnak kong an chim. Cu ah cun CNF Vice Chairman a tuan lio mi le NUG Minister zong a si chih mi Dr. Lian Hmung Sakhong nih

a chimmi cu ” Paletwa hi ramdang he hmun khat i riantuan tti nak ding ah hmunram ttha tuk mi a si i, PALETWA hmunram kan laak khawh ahcun Chin mi nih hlawknak tampi kan hmuh lai tiah a chim. CNF le NUG nih hin i bawm in Paletwa peng hi control le laak i tim hna sehlaw

Kawl ralkap lawng si loin AA zong an doh chih a hau hnga. Paletwa peng chung ah AA nih hmun an khuar ruang ah CNF nih voi tampi PALETWA chuah taak ding in an hal peng ko nain ram buai hlan in khan AA nih Paletwa cu an chuah taak duh lo. Atu lio ah AA cu Kawl ralhrang he

remdaihnak an tuah i, hmailei zong ah i chawnhbiak chin lengmang an i tim. Cucaah CNF le NUG nih an duhmi hi a tling kho hnga maw. AA nih Paletwa ah hmun a khuar tik ah Ralhrang doh nakin AA ral tthawl hi a fawi lo deuh ding a si cang. Ramdang he chawleh i tuahnak ding le Chinram chung ah hmunram tha bik a simi

Paletwa hi a ho kut ah dah a um lai, aho nih dah a control te lai timi cu Myanmar mipi dihlak le Chin miphun thinlung ah a cam taktak mi a si.

Vanzang Tlang Area Palik Nih Zuu Lang 58 An Tlaih! Chin ramkulh, Thantlang peng Vanzang tlang Area Palik nih December 2 ah Zuu lang 58 an tlaih, tiah kan theih.

“Nizaan Mawtaw a rami pakhat cu chekhlatnak kan tuah i Zuu BE lang 58 kan tlaih, Zuu cu a dihlak in kan khangh dih zuu a phurtu hna cu phaisa sing 4 cawi ding in dan kan tat hna, tiah Vanzang area palik bawi pakhat nih The Chin Post ah a chim.

CDF-Thantlang Control Area Ah Avoi 2nk Khuabawi Tonpumhnak An Tuah. Chinland Defence Force CDF-Thantlang Control Area, khua 51 ah zatlang uknak cu November 27-28,2021 ah khan rak thok a si.

Zatlang uknak ahhin fimcawnnak, lam le sul, biaceihnak, police, ngandamnak lei le khuabawi hna hi biapi in kalpi an si. Khuabawi pawl hi kum 1 ah term 1 ṭuan dingin mahle khuami cio i mipi hna nih lungtling tein thim an si bantukin 2022-2023 chung khuabawi tuan ding zong khuami cio nih thim than an si.

Thim tharmi khuabawi hna he i tonpumhnak cu 2022, November 29 le 30 ah tlamtling tein kan tuah khawh tiah Public Administration Thantlang nih an thanh.

Chin ramkulh, Matupi khuapi ah hrambunhmi SAC ralkap camp ah nizaan December 1 chun slm 12:00 ah SAC ralkap Helicopter pakhat a țum tiah theih asi.

Cun, Mindat khuapi chung ah hrambunh mi SAC ralkap officer pawl zong an i thleng tiah theih asi. Helicopter cu Lailenpi lei zong ah a vai hel pin ah Matupi khuapi pawng khuate hna zong a hel hna hnu zaanlei ah Kawlrawn lei ah a kir țhan.

Nihin, December 2 zing slm 10:30 zong ah Helicopter pakhat cu Mindat khuapi hrambunh SAC ralkap camp (274) ah a țum i zaanlei slm 2:00 hrawng ah niam tein Magwe ramțhen lei ah a kir.

 



Source link

Add a Comment

Your email address will not be published. Required fields are marked *