Council ralhrang nih Tinam khua inn 10 an khangh cang

Council ralhrang nih Tinam khua inn 10 an khangh cang
=====
Hakha, Zokhua Peng chung kahdohnak zarhkhat chung a chuah hnu Council ralhrang nih Tinam khua inn cu 2022 March 28 ah an khanghpiak hna tiah theih a si.

Atu an khangh mi inn hi a langtlang in kan cuanhnak ahcun inn 10 fai a si cang. Zing suimilaam 10:30 tluk inkhan meikhu kan hmuh cang tiah khuami nih an chim.

Zokhua Peng chung ah CDF Hakha, CNA hna i bawm in council ralhrang an kah hna hi zarhkhat fai a si cang. Ni li an i kah hnu ah Council ralhrang nih CNA, CDF hna cu karceh in kah an timh hna tiah kan theih.

Inn a kangmi kong he pehtlai in, “Inn an khangh hi nihin zinglei sang ahkhan a si. A tlawm bik inn 10 cu a kaang cang men lai. Dikthlir in cun kan thei kho ve rih lo. Kan zaamnak hmun in a khu kan hmuh mi a si. A kangh ning zoh ah a tam lai,” tiah khuami pakhat nih a chim.

Inn an khangh pah in meithal le bomb an puah chih tiah theih a si.Credit-The hakha posts

Be the first to comment

Leave a Reply

Your email address will not be published.


*