Thawngtha~ Min Aung Hlaing Zawtnak Tha Lo A Ngei Cang

Breaking News: Min Aung Hlaing cu zawtnak tha lo a ngei cang ti a si. Myanmar ralhrang hruaitu Min Aung Hlaing cu zawtnak tha lo a ngei cang tiah Kawl media ahcun a hung lar ngai cang.

Myanmar ram mipi tamtuk a kan that tu le harnak a kan petu Min Aung Hlaing cu a tu ahcun a ho zei ti loin a mah tein harnak fak taktak a tuar ve cang.

Min Aung Hlaing nih zawtnak tha lo a ngeih mi hi keng ruh faknak, tawkawng faknak phun a si i lehphiat phun bantuk in a um tiah Kawl social media ahcun an tial len cang.

Cheukhat kawl pawl comment ahcun cancer in zaw lawlaw seh, a lehphiat chom te ko lai. Thi beh lawlaw seh tiah comment tampi an pek cio hna.
Myanmar Aung Hlaing nih a mah pension lak a duh lo ruang ah le a mah hruaitu ah tuan peng a duh ruang ah kum 2022 thimnak a dih lo tiin February 1,2021 ah khan meithal hmang in uknak a rak lak.

Kawlram mipi dihlak nih Min Aung Hlaing uknak cu an duh lo ve lo ruang ah khuapi kip ah lamzawh a hung si. Mipi lam a zawh mi kha an tamtuk cang caah ralkap le palik nih an ti kho ti hna lo i meithal in an kah hna. An tlaih an hrem hna i thong ah an thlak hna.

Cu hnu ah mipi caah lamzawh a him ti lo caah mino tam deuh cun Min Aung Hlaing lehrulh ve ding in ramtang ah an kal i meithal an tlai ve cang.

A bik in Kawlram mino tete hriam an tlai. Kawl mino tete PDF ah an lut hna. Tlangcung mino pawl nih ralkap thar an dirh. A rak um ciami miphun hriamtlai sinah ralkap thar tampi an lut hna.Cu hnu ah a tu cu Kawlram hmunkip ah kahnak le buainak in a khat cang.

Ralhrang nih uknak an lak hnu ah i kahnak hi thla 9 a hung si cang. Mahhi kumkhat le cheu chung ahhin ralhrang 15000 leng an nunnak a liam i tampi hliam an tuar.

Ralhrang nih uknak an lak mi thlah an tim ti lo. Tlaih peng an duh cang. Thimnak kan tuah te lai an ti nain thimnak zong an tuah kho lai lo. Min Aung Hlaing cu zawtnak tha lo nih a tlak cang caah a can hi a tawi te ko lai. Crd-Thestar

Be the first to comment

Leave a Reply

Your email address will not be published.


*