Dr. Ngun Cung Lian: Dr. Sasa Vuanci A Si Nan Timi Cu NihchuaK A Si

A hlan deuh Uknak lak hlan deuh i Dr. Ngun Cung Lian nih Dr. SaSa a rak neinak bia a chim mi a si.Dr. Ngun Cung Lian nih Dr. Sasa cu vuanci a tuan lai an timi cu nihchuah men a rak si tiah a rak chim bal lo.

Kum 2020 Kawlram thimnak a dih hlan biatak tein party ramkhel lio can ah khan Dr. Ngun Cung Lian cu media tampi nih Interview an rak tuah tawn.

Dr. Sasa zong NLD lei ah biatak tein a rak tang. Chin ramkulh NLD party nih teinak an hmuh khawhnak hnga upa 10 an thimmi hna chung ah Dr. Sasa cu a rak i telmi a si. Cu lio ahcun media tampi nih Dr. Sasa zong interview an rak tuah tawn.

Kha lio ah khan Dr. Sasa cu Kawlram President a si kho, Chin ramkulh Chief Minister zong a si kho. Si lo ah Union ah vuanci pakhat khat a si kho tiah mimung tampi nih an zumhnak an rak chim an rak tial tawn.

Cu lio hrawng ahcun ramkhel lei ah ka thei hngai ai timi Dr. Ngun Cung Lian nihcun Dr. Sasa hi vuanci a tuan lai, President zong a si kho nan timi cu nihchuah taktak a si tiah a rak chim.

A taktak a hung tling. Kum 2020 thimnak ah NLD partu nih Kawlram pi ah teinak a hun hmuh taktak. A thaizing February 1,2020 ah NLD hlutraw meeting kan tuah lai an ti zing khuadei hlan ah ralhrang pawl nihcun uknak an lak i NLD MP le riantuan tu poh cu zan lai ah an tlaih thluahmah hna.

Cuticun ralhrang pawl nihcun uknak an van lak kha a si. Ni tlawmpal cu mipi dai tein an um hna. A hnu ah Kawlram chung dihlak ah ralhrang uknak doh lonak lam zawhnak in a khat cang.

NLD partu hruaitu cheukhat hna le ramkhel hna nih tihin cun a si kho lo an ti i CRPH an hun dirh. A hnu ah CRPH nih cozah kan dir a hau an ti than caah NUG cozah cu an hun dirh hna.

NUG cozah ahcun Dr. Sasa cu riansang taktak an hun pek. Union vuanci a hun si taktak ko. Dr. Sasa cu International. Cooperation vuanci le NUG Spokesperson a hun si. Dr. Ngun Cung Lian nih a rak ruah ning bantak a hung si ti lo.

Dr. Sasa hi ralhrang uknak uknak la hlah seh law NLD cozah nih khan tha tein ukank rak tlai sehlaw Union vuanci rian pakhat khat pek an timh mi a si. Suu Kyi he zong tonnak an rak ngei cang i biaruahnak an rak ngei cang. Ral hrang nih uknak an lak zong ah khan Dr. Sasa cu Suu Kyi sinah a rak um nain a nih cu a zam manh. Suu Kyi nih zam a ka ti caah ka zam tiah Dr. Sasa nih Interview ah a rak chim.

Dr. Ngun Cung Lian tu cu ralhranh nih ruahnak pe tu ah an i sawm i ralhrang sinah rian a tuan cauhmah ko. Ralhrang sin a um hnu ah a thawngpang theih khawh a si ti lo. A mui zong a lang setsai ti lo. TV ah voi hnih te a hung lang.(Credit- Thestar)

Be the first to comment

Leave a Reply

Your email address will not be published.


*