Dr. Ngun Cung Lian Le Pu Ngun San Aung Hi Min Aung Hlaing Nih An Rian A Phuah Khawh Men Hna

Ngun Cung Lian le Pu Ngun San Aung hi Min Aung Hlaing nih an rian an phuah te men hna lai. A ruang tampi a um. Cucu a tang lei ah kan zoh hna lai. News a si lo, pumpak ruahnak le cuanh ning a si lai mu.

Min Aung Hlaing nih Kayah ramkulh Chief Minister caah a rak thimmi cangmi cu kan hnu ah khan a rian a phuah than cang. Kayah ramkulh raltuknak ah Kawl ralhrang an thi tuk, hliam an tuar tuk. Ralhrang an sungh ning a fak tuk ruang ah Min Aung Hlaing nih Kayah ramkulh Chief Minister caah a rak thimi pa cu a rian in a phuah cang i a thar Kawl ralkap bawi hlun a chiah than cang.

Cu lawng a si rih lo. Yangon ramthen vuanci caah Min Aung Hlaing nih a rak thim cangmi pa zong a rian in a phuah than cang. Yangon ramthen cu Kawlram chung sipuazi caah a biapi bik mi a si. Yangon ramthen chung sipuazi caah ralhrang nih an duh ning in rian an tuan khawh ti lo caah Min Aung Hlaing nih a phuah i a tu cu a thar ralkap bawi hlun kha an hun chiah than cang.

Min Aung Hlaing nih uknak a lak hnu ah a mah nih a thimmi hna luban pawl hi a phuah thanmi hna an tampi cang. Ralkap bawi luban tampi zong a phuah thanmi hna tampi an um cang hna. A zumh deuh mi le thil a ti kho deuh lai a timi poh kha bawi le hruaitu ah a chiah cang hna.

Cu bantuk in Pu Ngun San Aung le Dr. Ngun Cung Lian zong hi an rian in phuah khawh an si. A ruang cu Pu Ngun San Aung nih Chin ramkulh chung ah a tuan khawhmi rian zeihmanh a um lo. Chin ramkulh ah ralhrang pawl raltuknak hmun ah an sung tuk. Tam tuk an thi i tamtuk hliam an tuar. Uknak lei ah Ngun San Aung nih zei ngai a tuan khawh mi a um lo.

Cu bantuk in Dr. Ngun Cung Lian zong Min Aung Hlaing nih ruahnak petu ah ai thim nain zei hmanh a tuah khawh mi a um lo. TV chung hmanh ah a lang bal lo. A phung men in mi tlinnak ah ralhrang pawl sinah rian a va tuan ve i a si ko. Cu caah mah hna pahnih hi Min Aung Hlaing nih an rian a phuah te men lai hna ti hi zumh a um bak. An rian zong in phuak taktak hna sehlaw a tha. Credit-Chinlandmedia

Be the first to comment

Leave a Reply

Your email address will not be published.


*