Dr. Ngun Cung Lian Nih CNF A Chuahtak Nak Kong A Chim Ko Cang

Dr. Ngun Cung Lian CNF in a chuahnak a ruang…..

Dr. Ngun Cung Lian kong hi pehthlai ngai in ka van ttial. Khua a ruat lo mi nih nan ka huat lai. Nan mawh lo. Mi pakhat kan huat mi hna hi a dih um ek in kan huat hna i, an sinak a that lei in kan chim ah cun sual tanh ah nan ka ruah. Hihi a dikmi a si lo.

Dr. Ngun Cung Lian hi CNA ah saupi a rak um. Cun USA ah siangin a va kai tthan. CNA a um lio ah ramdang siangin kai in a rak tlung mi nih hruai an rak timh hna. Cu pawl cu meithal zong a tlai bal lo mi an si. Mah tik ah Dr. Ngun Cung Lian nih thil sining a dik ti lo a ti i, siangin kai ah a thawh ve. Cun tlawmpal ah CDF in a chuah beh.

Cun a chuahnak kong he pehtlai in bia an hal i, hangkaw taw cum bal lo nih hruai a kan timhmi hi ka rem lo a ti. Hangkaw taw cumh a sullam a fiang lo mi nan um ah cun comment ah hal khawh a si lai.

2021 Ralhrang nih uknak an lak hlan ah CNF an riantuannak hi a dik maw tiah cun mipi thei a si. Kan chim ti lai lo.

Nihin ah teh a dik taktak hnga maw tihi lunghrin a um ngai. Cu caah Dr. Ngun CungLian hi a rak mawh hrim lo. CNA ralkap cu ei awk hmanh an ngei lo caan a tam. Zaangfak an si. Cu caah Salai Lung Thli Tum nih “CNA bomh nan duh hna ah cun, direct in bomhnak kuat hna uh a rak ti phah.” A dik ngai tiah ka rak dirpi ngai.

Dr. Ngun Cung Lian hi mawh chiat thlua awk a ttha lo. Ralhrant zong a tanhmi a si lo. Chim ram a him khwhnak ding ah ralhrang he dialogue a tuah mi a si ti hi rak thei cio uh law a ttha lai.

NLD nih a kan hruai lio ah Hakha Inn lo tam tuk an hrawh. Mipi mithli he an i ciah hna. Market hmai aithing chiah chungmi an hloh fawn. An tuahmi a tam tuk.

Cu caah Dr. Ngun Cung Lian hi Chimmi caah rian a tuanmi a si tiah rak ruat ko uh. Nain a mah a nun a huhhim khawh ve nak hnga bia chim i ralring hna usih. Tulio ah a riantuannak hi ralhrang he riantuan mi a si lo. Ralhrang ruahnak petu a si.

Ka ca post mi hi share dah lo cu midang website le page ah post chin a ngah lai lo.Credit-Global Village News

Be the first to comment

Leave a Reply

Your email address will not be published.


*