Dr. Ngun Cung Lian Nih Kawlram Ramkhel Cu A Thlen Dih Ko, Pasal Bak a si

Dr. Ngun Cung Lian nih Kawlram ramkhel cu a khup thal a leh dih ko. Dr. Ngun Cung Lian hi pa za rumro a si ko.

Dr. Ngun Cung Lian hi Laipa ahcun pa za taktak a si. CNA zong kum tampi a tuan. CNA a tuan hnu ah US a phan i US ah Law in Ph.D tiang a ngah mi a si.

Thein Sein cozah chan lio ah CNF le Kawl ralkap remdaihnak an rak tuah lio ah khan Pu Aung Min nih a zoh tikah pa za bak a si ti a theih i a hmuh tikah a mah he riantuan ti ding in a sawm colh.

Pu Aung Min he cun ralkap le hriamtlai karlak ah zeitindah rem daihnak kan ser khawh lai timi an tuak i an tuan ti. Kum 5 chung ah Dr. Ngun Cung Lian nih thil tamtuk a hun thlen manh.

Kum 2017 lio ah Rohinya thah nawnnak zong hi Dr. Ngun Cung Lian nih ralkap pawl sinah ruahnak a pekmi hna a si lai tiah an zumh. A nih khi ramkhel thiam a si tikah Rohinya pawl hi Muslim an si fawn, an karh a rang tuk fawn caah a tu tein ti lo ahcun hmailei ah an karh tuk te lai i Kawlram hi an mah an khat te lai ti khan a ruah caah ralkap pawl sinah ruahnak a pekmi hna a si lai tiah an zumh.

Tutan ah Min Aung Hlaing nih uknak a lakmi zong hi Dr. Ngun Cung Lian nih ruahnak a pekmi hna a si lai. Kawlram ah NLD a thawn tuk tikah Kawlram hi NLD peng nih an kan uk lai. China le Russia ah party pakhat lawng nih uknak an tlaih peng bantuk khin NLD nih uknak an tlaih peng sual lai ti khan Dr. Ngun Cung Lian nih a ruah tikah ralhrang pawl hi uknak lak a forh mi hna a si lai tiah zumh a si.

Ralhrang pawl nih Dr. Ngun Cung Lian cu ruahnak petu bak ah an thim colh. A hlan zong ah ruahnak tampi a pek hna lai ti hi zumh bak a si. Ruahnak rak pe hna hlah sehlaw a tu ahhin ruahnak pe tu ah an sawm hnga lo. Credit: VN Lian

Be the first to comment

Leave a Reply

Your email address will not be published.


*