Dr. Ngun Cung Lian: Ralkap Cu An Chung Ah Luh I Anmah He Riantuan A Herh

Dr. Ngun Cung Lian nih a rak chim tawnmi bia kha a tuah taktak mi a si caah kan hun langhter than.

Myanmar ramkhel le Chin ramkhel kong kan zoh tikah Dr. Ngun Cung Lian hi a minthang ngaimi a si. Kawlram media ngan tampi nih Interview zong an tuah duh ngaimi a si.

US ah upadi fimthaimnak sang a cawng. A hlan ah CNA ah meithal tlai in kum saupi a rak um hnu ah US a phan i US ah upadi lei thiamnak sang a cawng.

Cu hnu ah CNF le Kawl ralkap remdaihnak an tuah hnu ah U Aung Min nih Dr. Ngun Cung Lian cu tlangcung miphun hriamtlai hna he daihnak sertu ding rian bawmh ah a sawm i u Aung Min sinah rian cu a tuan.
Kum 2010 khan 2015 tiang kha cu ai nuam ngai. Thein Sein cozah lio a si caah Dr. Ngun Cung Lian zong cu a rak i nuam ngai. Rian tampi an rak tuan tawn.

Sinain kum 2015 in NLD cozah an van kai hnu khan cun NLD nih an rian an phuah hna caah rian lo in a um. Cu lio ahcun NLD soisel le Suu Kyi soisel in a can tampi a liam. Thimnak lai ah Interview zong tampi an rak tuah mi pa a si.

A tu ralhrang nih uknak an van lak i ralhrang sinah rian a tuan. Min Aung Hlaing nih ruahnak pe tu ding ah a sawm i Min Aung Hlaing sin ah a tu hi rian a tuan lio a si.

Dr. Ngun Cung Lian nih a chim tawnmi cu Kawl ralkap nih 2008 phunghram pi ahhin an i vennak tha tuk in an tuah cang. An mah tel loin phunghram zong remh khawh ding a si ti lo. An thinhan ter ahcun tih a nung a tuk.

Cu ruang ah Kawl ralkap cu an mah sinah luh, an mah he hmunkhat ah riantuan, an mah kha komh hmasa i an lungthlen hmasa an hau. An mah kha fak piin an lungfim lak in cawnpiak hmasa an hau. Cu hnu lawng ah 2008 phunghram hi remh khawh ding a si kan ram hi a dikmi democracy ah kal khawh a si timi kha a rak chim tawnmi a si.

Ramkhel lei ah thiamsang kan pa le hna nih an rak chim tawnmi bia hi a dik mi tampi an um tawn. Cu an bia cu philh khawh lo in a nung peng tawn. A tu Suu Kyi nih ralkap a thin a hun ter hna caah uknak an lak i Kawlram cu khuaci mui in kan um zungzal ko cang.Credit-Cung Bawi Liam

Be the first to comment

Leave a Reply

Your email address will not be published.


*