Dr, Ruak Uk Nih Oneness Pawl Cu A Tanglei Ban In A Phomh Ko Hna

ONENESS HNA NIH PATHIAN MIN AN TIMI
LE
BAIBAL NIH PATHIAN MIN A TIMI AI KHAT LO.

Oneness hna nih Pathian min tiah an timi cu “Jesuh” a si.

Asinain Amah Jesuh nih voikhat te hmanh a min Jesuh kha Pathian min a si tiah a chim bal lo.

Cu lawng si loin Baibal nih Jesuh timi hi Pathian min a si tiah voi khat hmanh a chim fawn lo.

Baibal nih Pathian min tiah voi li khengte a chimmi cu Jehovah ti hi a si.

Hihi Amah Pathian hrim hrim nih a chim mi a si.

Chuahlanhnâk (Exodus) 3:15 ah. “Cuhleiah Pathian nih Moses sinah, “Nangmah nih Israel tefa hna sinah, ‘Jehovah, an hringtu hna Pathian, Abraham Pathian, Isak Pathian leJakob Pathian nih nan sinah a ka thlah. Hihi zungzal in ka min cu a si i chan vialte ah keimah philh lonâk a si,” tiah a ti.

Pathian amah hrim hrim nih Jehovah timi cu zungzal in ka min a si, tiah a ti.

Chuahlahnâk 6:3 ah, “Abraham, Isak le Jakob sinah khan Zeizong tuah kho Pathian in ka langh i ka min Jehovahtu cun an sinah ka hngalhter rih lo,” tiah a ti.

Moses sin lawng lawng in Pathian nih a min Jehovah hi hngalhter ai thawk tinâk a si.

Isaiah 42:8 ah, “Keimah cu Jehovah ka si. Cucu ka min a si,. ..” tiah Pathian nih a ti țhan.

Cun Jeremiah 16:21 ah, “. ..Ka min hi Jehovah a si ti kha an hngalh lai,” tiah a ti.

Cucaah Baibal ah Amah Pathian hrim hrim nih voi li bak “Ka min cu Jehovah a si” tiah a ti.

Baibal ah hin, Amah Pathian nih ka min cu tiah ti loin Baibal țialtu minung nih A min cu Jehovah a si tiah an tinâk hi voi 19 a um.

Chuahlanhnâk 15:3. Sâm 68:4. Isaiah 47:4. 48:3. 51:15. 54:5. Jeremiah 10:16. 31:35. 32:18. 33:2. 46:18. 48::15. 50:34. 51:19. 51:57. Hosia 12:5. Amos 4:13. 5:27. 9:6.

Baibal Cathiang timi le Rualuk Study Baibal timi ah rel

Cuticun Oneness hna nih Pathian min tiah an timi cu Jesuh a si i

Baibal nih Pathian min tiah a timi cu Jehovah a si. Crd-Dr. Rual Uk

Be the first to comment

Leave a Reply

Your email address will not be published.


*