Dr. Rual Uk Nih UPC Pastor Sui Mawng Cu Trinity le Oneness kong Debate Dingin a zuamcawh tthannak kong mahti hin ca a tial – Thawngpang Dik Thanh Hna Usih


Dr. Rual Uk Nih UPC Pastor Sui Mawng Cu mahtihin a zuamcawh than. AIZAWL TAL AH HMAITONH IN I TONG KHO U SIH LAW. Trinity le Oneness kong ah Baibal debate a ka zuamcawhtu

Saya Sui Mawng he  Kuala Lumpur ah kan i tong rua lai tiah ka ruah nain a ra lo. A ra laimi 2023 January thla tal ah cun Aizawl ah hmaitonh in i tong kho u sih law ka duh ngai. Kan i ton khawh ah cun:-

Zan hnih chung Lai holh in kan chimți lai i Zan hnih dang cu Mizo holh in chimți si te seh tiah a fb ah Dr. Rual Uk nih ca a post. Dr. Rual Uk hi Trinity a zummi a si i, Pastor Sui Mawng hi Oneness a zummi a si ve. Cucaah anmah pahnih hi hmaitonh te in biael an duh ngaingai nain an umnak ram ai dan ca ah an i tong kho rih lo.

Kanpetlet Peng Ah SAC Ralkap Nih Hriam An Thlah Caah Kum 60 Tluk Upa 4 Hliam Fak An Tuar. Magway ramțhen in Chin ramkulh lei ah rallam a sialtu SAC ralkap hna nih Kanpetlet peng tualchung mi hna cu tlaih ding in an dumdawi hna caah tualchung mi 4 hliamhma an tuar tiah theih a si.

December 10 ah Kanpetlet peng ralhrial mi hna an umnak khua ah SAC ralkap nih tualchung mi hna cu an kah hna, minung 4 hliamhma an tuar tiah CDF-Kanpetlet Victoria battalion ṭat-yin-hmu nih The Mindat Post ah a chim.

” Hriamngan an thlahmi zong a si lo, khuachung ah an lut i ralhrial mipi an hmuhmi hna cu an kah hna, pa 3 le nu 1 hliam an tuar, an hliamhma a fah caah thinphang an si ko, hliamhma tuarmi hna hi kum 55 in kum 70 kar tualchung mi an si” tiah a chim.

Ralhrial mipi hna nih SAC ralkap he naihniam in umlo ding in le ralring tein ṭhutdir ding ah ralrin ngai a herh tiah Victoria ṭat-yin-hmu nih ralrinpek nak a chim.SAC ralkap cu an kal cang na in, Kanpetlet tualchung mipi hna nih Kanpetlet – Saw lampi hmanlo ding in Kanpetlet peng pah-ah-phah nih December 11, zaanlei ah cathanh an chuah.

SAC ralkap nih Kanpetlet peng lei hmuitinh in Yaw lei in rallam an sial caah tualchung mipi tampi cu a himnak hmun ah ral an hrial tiah Kanpetlet peng zatlang hruaitu phu nih an social media ah December 11 zinglei ah an langhter.

 



Source link

Add a Comment

Your email address will not be published. Required fields are marked *