Dr. SaSa zong hi Dr. Ngun Cung Lian Bantuk in A zer ve mi a si

Kawl Nih Federal An Duh Ballo Nak A Ruang Kan Hmuh Cang.Panglong A dih in Kawlte Uktu kip nih Federal pek an kan duh ti lo. 1947 kum Phunghrampi ah Federal mumal an hrawk cang. Panglong cu independent ti nak asi caah kan sian hna awk asi lo tiah Kawl Luban kip biathli cu asi. An tuahserhnak le an aw an in hngalh mi asi. Hlutdaw le Luban ah CHINMI le Tlangcungmi kan um ballo caah an biathli cu kan theih khawh ve ti lo. Tlangcung mi ah a fim bik mi Karen lawng nih Hriamnam tlaih lo cun asi khawh ti lo tiah Saw Ba U hruainak in an thawk. Chin mi cu Karen dohtu lehlam ah an kan hlen. Karen Pipu le Nupa nih an fanu fapa hna rovui bia cu: Nan Pipu a Thahnawn tu CHIN mi cu; vat in nan ṭhit hna lai lo ti asi.

Ralhrang Ne Win nih uknak an lak tikah Federal timi cu: Kawlram in an I ṭhen duh caah asi tiah a Cawnpiak hna. Cucaah EAO cu kawlram Tupung le Damiah an si. Ram hrawktu an si tiah a cawn piak hna. An cihmih awk ah an I timh cu: Nihin tiang asi ko. 8888 ah Ralhrang Rallokap Uk chan zong ah Damiah le Tupung an si timi case in EAO le Tlangcung mi cu Thahnawn le cihmih kan si. Annih chan ah cun KRIFA biaknak le Budhism biaknak raldohnak asi ti tiang in an cawn piak hna. EAO le Tlangcung mi cu: Krifa ansi caah, Jesuh min in ral an thawh. Krifa Pathian Jesuh le Buda pathian Godama Raldoh nak asi. Rallokap nih kan tei hna lo ahcun: Buda biaknak a tlau lai tiah an cawn piak hna. Kawl mino kip nih Rallokap an lut ve. An Phungki tiang in doh mi CHINMI le Tlangcung mi kan si. Kan tei hna lo I an kan tei fawn lo caah, Divide and Rule timi ṭhen cheuh dih mi mumal in Khin Nyunt nih aa zuam I a hlawhtlin ngai ngai. KNU cu Krifa le Buda tiah a ṭhen hna. KNU le DKBA tiah phu hnih an ṭhen hna. A hnu ah BGF le KNU – KNLA PC tiah phu khat an chuah ṭhan. KNU lawng ah phu (4) in an ṭhen cheuh dih hna. EAO lak ah a ṭhawn bik an si tho tho KNU cu.

Shanram cu RCSS / SSA, SSPP, TNLA, UWSA, PNLO/ PNLA, MNDAA, tbk tampi in an ṭhen hna. KIO / KIA belte an ṭhen khawh hna lo. Rakhine cu ALP le AA tiah an ṭhen ve hna nain AA / ULA an thawngṭha tuk caah an I theih hngalh lo. Tlangcung mi Federal pek an kan duh lo caah, Thakhin Than Tun cu, U Nu nih Communist Tupung a thawh ter mi asi tiah Mifim rual an kan chimh tawn. Aung San telin Thakhin phu hi Socialist an tam. Thakhin Than Tun cu an thah khawh tuk ko nain thah loin, a PA pa, CHIN Matupi pa, Yebaw Myat nih a dailen lio a thah mi kha an I rinh. CHIN Nih an thah an ti.

Mi nunnak van in tla ti phun in Paucan Dohthlennak aphak tik lawng ah Federal cu Kawlte nih Lungpiang hram an I thawk. EAO cu hero in an hmuh khawh ve cang hna. Rampi le mipi khumzual tu le ram dam tertu ah cohlan hram an thawk ve. Nain, 100% an lung fian lai, an duh bak lai tiah chimh awk a har ngaingai. NUG nih Federal in kan kal lai a ti nain, Federal Mumal le Phunghrampi a chuah pi ngam bak ve loh. Charter lawng in thanthling an kan liak ter men. Panglong ah chiatserh biakamnak he senthuh cia mi Kawl fangkhat Chin fangkhat timi a hlawhtlin ter tu 8 States mumal le dundan zong ralṭhat ngai in an dirh pi ngam lo. Cu lio ah NUG minthang bik Dr. Sa Sa nih MDF he Mara State hal an duh mi zoh ah lung a rawk chin chin ko. Dr. Andrew Ngun Cung Lian le Dr. Sa Sa cu SAC le NUG ah an um ve ve mi hi Mara thluak asi. SAC nih an kan tei ah cun Dr. Andrew nih Mara State a hal lai, NUG nih kan tei ah cun Dr. Sa Sa nih Mara State a hal ve lai ti kha Mara Strategic plan asi. Cucaah CNF / CNA / CJDC Dohkalh in an um zong ah an hrik a thak lo mi khi nan hmuh ko hna lo mei?

Zoh te uh Kawlte cu Satan nakin an zer deuh le. 1947 Panglong ning in Federal Union ram rak dirh khawh sisehlaw, Kan chuak hrim lai lo tiah senthuh uh an kan ti tu Kawl miphun hi a chuak hmasat ding mi ansi.

Aruang 1nk: Kawlram Milurel tam bik ansi nain hmunhma le ṭhutdan tambik an co khawh ti lai lo. State (14) kan si lio ah Hlutdaw ah aa tluk mi Palai kan ngeih hna, Kawl fangkhat CHIN fangkhat asi lo. CHIN fangkhat kawl fang (7) in a kal mi hlutdaw Palai asi. Tlangcung mi vialte fang (7) kawl fang (7) mumal in a kal. Federal ram ahcun: Palai (7) cio ti asi ahcun, Kawl (7), Chin (7), Kachin 7, Karen 7, Rakhine 7, Shan 7, Mon 7 in a kal cang lai. Kawlte 7 an si ah Tlangcung mi 49 kan si cang lai caah kan tei zungzal hna lai I kan uk zungzal hna lai. Cucu NUG member kawlte nih an hngalh caah, NUG Nih Federal mumal ṭhiṭha in an ngeih lo nak asi hi asi, na hngalh ve cang maw, Dr. Sa Sa ka doh asilo hi mu. Bia lutaw hngalh cang hram ko uh.

Aruang 2nk: Ramkomh cozah humhual ram ti aum ti lai lo. Pine ah full power aum cang lai caah, Pine humhual ram ti lawng aum cang lai. Bahu cu an ram a tlau kan ti ko lai. Cu caah Federal ning in kan kal khawh ahcun Kawlte miphun hi an chuak hmasat lai I anmah tein ram an dirh te lai. Tlangcung mi nih kan sianh hna poah paoh ahcun.

Aruang 3nk: Kawlram Thantar le kan hmang mi phaisa tlap thlen a herh cang lai. Miphun pakhat le Biaknak pakhat lawng a ai awh mi Thantar le Phaisa hmang khawh asi ti lai lo caah kawlte nunphung le biaknak a tlau khawh mi asi. Kan hman lio mi phaisa cu kawlte state lawng nih an duh le hmang ding khi asi cang lai. Federal Full power umnak Pine ahcun mah le phaisa cio kha hmang asi cang lai. Kan duh le American Dollar kan hmang ziar cang lai. Cu tik ah Kawlte cu Federal ram komh ah an um khawh ti lai lo I, anmah tein an chuak te lai.

Aruang 4nk: Fimcawnnak ah Cawnding mi Curriculum cu Pine cozah nih an duh ah an hrawk lai, an duh ah a thar an tuah lai ti asi caah, tulio kawlte nih tuahpiak mi cawn awk hi aa cawn khawh ti lai lo. Kawlram nunphung, caholh, biaknak, tuanbia, tiram, kawlte ramkhelh zong duhsah tein a thih cuah mah ding mi asi. 10th, 12th le University tiang in mah le pine cio nih fekter mi kha cawn asi cang lai. Kawlte lawng nih atu lio kan cawn mi an cawn khawh cang lai, an duh ahcun ti bia. Cucaah Kawl te nih Federal an duh ballo nak asi. Federal ram in kan um ah cun: an celh lai lo I kawlte nih anmah tein an chuak hrim hrim tiah ka chimh ngam ko.

Aruang 5nk: Pyidaungsuu hlutdaw ah siseh, Official Language siseh, Kawl holh asi ti lai lo. Zeitintiah Pine kha Nawlvo pek dih asi cang lai caah, Pine kip nih an duh mi holh le anmah holh cio kha officially le Gazette holh ah siseh, hlutdaw chung hmangrua holh ah siseh, an hmang khawh cang lai. Kawl holh hman nak hmunhma abit tuk cang lai I Pine tlangholh a laar cang lai caah Kawlte nih Federal Union hi an celh te lai lo.

Aruang 6th: Union cozah nakin Pine cozah kan rum deuh cang lai caah, Kawlte nih an duh te lai lo. Tlukruan nak ti asi lai I, Pine rumnak le covo kha papek asi cang lai caah, kawlte cu Hnuchit deuh an si cang lai. Federal State cu Tlangcungmi caah kan tum VANRAM asi lio ah Kawlte caah Hellram bantuk asi cang lai caah, Kawlte hi Federal Ramkomh ah um khawh lo in a chuak hmasat mi an si ko lai tiah Profet bia in ka phuan chung mi asi. Nan ei khawh ci asi hnga maw? Cucaah NUG hi Federal Mumal ṭha tein le tling tein a chuah pi ngam lo mi hi asi lai tiah ka zumh ko. Innchung inn leng khi a hei hei le a dih ko hen cu. Kawlte rim lawng te a nam mi NUG asi kha hngalh camcin ko.Credit-Zingtincuai Cinzah

Be the first to comment

Leave a Reply

Your email address will not be published.


*