Dr,Ngun Cung Lian Hi Lunghrinh Ngai A Si Cang

Dr. Ngun Cung Lian hi ram le miphun a daw ngaimi a rak si ko. Chinram le Chin miphun a dawt ruang ah CNA ah a rak lut i kum tampi meithal tlaimi a si ve. CNA in a chuah hnu ah US ah a kal i sinaginn a kai. US ah upadi lei fimcawnnak in Ph.D a ngah mi a si.

Cu hnu zong ah CNF ah biaceih bawi a tuan. Hakha ah Kawl ralkap Thein Sein cozah le CNF an rak i ton lio zongah a rak kal ve.

Pu Aung Min nih a zoh lengmang tikah mahhi pa za a si a ti i hmunkhat ah riantuan tti ding in a sawm. U Aung Min he cun Thein Sein cozah chung vialte ralkap le hriamtlai kar ah daihnak a um khawhnak hnga rian an rak tuan.

Thein Sein cozah a van tla i NLD cozah a kai hnu ah Ngun Cung Lian te rian cu ngol a si. Cu hnu ah Ngun Cung Lian cu rian loin a um. Daw Aung San Suu Kyi soisel bak in ai la.

Suu Kyi cu hriam a tlai bal lo caah miphun hriamtlai hna duh ning a thei thiam lo. A mah nih remdaihnak hi a hruai hna awk a si lo. Hriam a tlai bal mi le ralkap sinah rendaihnak kong hi cu tuanvo a pek awk a si tiah a rak chim tawn.

February 1,2022 ah Kawlram cu Min Aung Hlaing cozah nih uknak an rak lak. Uknak an lak hnu ah Dr. Ngun Cung Lian cu Min Aung Hlaing nih ruahnak pe tu ah a sawm i lunglawm tein a cohlan. A tu Min Aung Hlaing sinah Nay Pyi Taw ah a um.

Dr. Ngun Cung Lian hi lunghring a sinak cu tihin ralhrang sinah ka um lai. An mah chung ah ka lut lai i ralhrang pawl cawlcanghnak hi mipi sinah thawngpang ka pek hna lai. A siloah ralhrang nih fak tuk in rian an tuannak hnga lo ka chimh ka cawn piak hna. Uknak an lak mi hi tuan deuh an an ngol khawhnak hnga ruahnak ka cheuh hna lai timi lungput he ralhrang sinah a luh khawhnak hi a si khomi a si.

Dr. Ngun Cung Lian nih NLD cozah chan lio ah siseh, Thein Sein cozagh chan lio zong ah a chim pengmi cu Kawl ralkap cu an mah sinah luh a hau. A leng in a si kho lo. An mah chung ah luh lawlaw i an mah he cabuai cung ah bia i ruah khawh, zei kong poh ceih ti khawh i duhsah tein an lungput le an khuaruah ning hi thlen a hau tiah a rak chim peng mi a si.Credt-Thestar

Be the first to comment

Leave a Reply

Your email address will not be published.


*