Ex-KNDO CHIEF NERDAH MYA NIH KAREN “KAWTHOOLEI ARMY”THAR A DIRH THA’N(KNU/KNLA chung buaibainak le an tuanbia)

Ex-KNDO CHIEF NERDAH MYA NIH KAREN “KAWTHOOLEI ARMY”THAR A DIRH THA’N(KNU/KNLA chung buaibainak le an tuanbia)

December 15,2021 zinglei Suimilam 11:00 Am ah khan SAC Ralkap nih KNU/KNLA Brigade-5 chung um Lay Kay Kaw khua, Myawaddy Dist., Karen State cu fak tak takin an tuk i,cu ka hmun ah ralzam in um NLD/NUG/PDF upa cheukhat an tlaih hna ruangah KNDO/PDF nih betak te’in an rak doh ve hna ca’ah Khuami le NLD bawi upa family pawl cu Thailand ramri lei’ah an zam dih hna. Lay Kay Kaw hi Kum-2016 ah KNU le Ralkap nih remnak an siam hnu khan Japan Palai Dr. Sasa Kawa (Nippon Foundation)nih Us $-150 Millions hmangin KNU ca’ah Quarters/ Apartment Inn, Si-inn le Sianginn etc. arak sak piak hna. Cu thawk cun, remnak siam cia mi KNU le Ralkap Cozah karlak ah buainak fak chin chinin a karh i, KNU- KNLA- KNDOchung zongah anmah le anmah karlak ah lung i hmu lonak betak te’in a chuak cawlh ve ai.

Brigade Commander Brigadeir General Saw Nerdeh Bomya hruaimi KNDO/A le Brigade-5 Commander nih cun, NLD/NUG le PDF pawl he i kop i Ralkap Cozah hi a dongh tiang tuk law law an duh na te’in KNU cunglei bawizik pawl nih cun, remdaihnak lei kha kalpi rih peng an duh deuhin alang.Cuca’ah Chairman Saw Mutu hruaimi KNU Headquarters nawlpeknak (Law & Order)cu KNDO Commander Brigadeir General Nerdah Mya le KNLA Brigade-5, Brigade-6 nih an zul duh ti lo ca’ah buainak achuak cawlh.Cu pinah May 30,2021 ah khan Saw Nerdah Mya hruaimi KNDO/A Lieutenant Saw Bawah le a thithruai mi nih Myawaddy Township,Kanelay- Mawchi karlak Lam-hlei a dawnh/sak riantuan mi-47 cu an tlaih hna i, Minung-22 cu a hnu’ah an thlah tha’n hna na’in Minung Nu telhin-25 hna cu ngaitthlai tu(ထောက်လှမ်းရေး)an si ti’ah an thah dih hna.

Cu kongah cun,Ralkap Cozah MinAungHliang te nih, Remnak agreement ban -tuk in dothlet nak( Inquiry)nan tuah hau ti’ah an nawr hna i, KNU Chairman Pado Saw Mutu le nih cun ” Inquiry Commission” a dinh i,an hlethlai na’in Bo.Nerdah Mya nih cun Ngaitthlai tu an si hrim hrim ko ti’ah a tang i, Inquiry Commission cu zeirel lo’in a hmu duh hna lo ca’ah January 17,2022 ah dinhterchung asi hnu’ah 5 July,22 KNU 35th CEC Meeting biachahnak bantukin Bo. Nerdah Mya le Lt. Saw Bawah cu KNDO sinak vialte in an phuah cawlh hna.16/7/202 i Vawi-75 KNU Revolution Day Ni ah Brigadeir General Saw Shee Lay cu KNDO Chief of Staff ah an chiah ca’ah, a Ni-3 hnu July 19,2022 ah Saw Nerdah Bomya cu General Rank ah i pek in ” KAWTHOOLEI ARMY”cu”Venom Commando he i fawnhin a thithruai mi zeimawzet pawl he an dirh cawlh. Aruah hlanah Major Bo Salone hruaimi DKBA Ralkap-300 a zammi hna zong nih fonh ve tha’n dawh an si. Cuca’ah tulio cu KNU/KNLA an thin a phang ngai ngai cang.

KNU hi 16 July 1947 ah Saw Bah UGyi nih arak dirh i, Kum-75 chung Full Federal Uknak hal in Myanmar Ralkap Cozah an doh cang. General Saw Bah UGyi hi 1950 August 12 ah amah Mi le Communist pawl nih an rak thah.Cuhnu’ah Bo. Nerdah Mya Pa, General Bomya nih KNU hi Kum saupi arak thithruai hna i, a thih hnu’ah Lt. General Saw Tamla Baw nih 2009 in 2012 tiang, Cun General Pado Saw Semu hi tuchunni tiang Chairman rian a tuan rih. Hi Kum-75 chungah hin MI General KhinNyut zirtian karthlak nak ruangah Kum 1990 ah khan DKBA(Buddhist ) an chuak i, cu hnu tlawmpal ah BGF ti’ah Ramri cawnghtu ti’in an i the’nthan i,January 16,2004 ah ထောက်လှမ်းရေး General KhinNyut thiam nih khan Saw Bomya a hmuh tha’n hnu’ah remnak duh pawl KNU/KNLA(PC) ti’ah an i the’n tha’n hna. Cuca’ah an hmailei kalnak ding ca’ah a ho Pawl dah a cak chin chin te lai timi hi Mizapi nih an cuanh cuahmah liopi asi cang ko.Credit-Hrambik Lian

Be the first to comment

Leave a Reply

Your email address will not be published.


*