Facebook Comment In Ralhrang A Pamh Tu Nu An Tlaih, Na Comment In Tlaih Khawh A Si Cang

Ralhrang Sakhan Mipi ralkap an lak tik zongah Kawlram chung um mi Facebook hmang mi nihcun comment tial tik zongah i ralrin ngainga a hau cang. Duhpoah le lungthawh muamhnak men ah tial ahcun ralhrang nih kan phone an check tik tiangah tihnung ngai a si cang.
Chokhleipar

Nai nizan tihnih i Yesayu PDF nih Shinphushin hlei kam ralhrang sakhan lak lio ah Facebook post tang comment ah kai lawmhtuk e tiah a tialtu nu pakhat cu a tuhi ralhrang uico pawl nih an tlaih tiah theih a si. Hi nu cu Monyu khuapi um a min Khaing Zar Kyaw tiin Facebook account aa tuah mi a si.

An tlaih ning cang cu a Facebook account address a tial mi hmang in ralhrang uico phu ning cun an zulhdoi i an tlaih khawhnak a si. A tubantuk in ralhrang nih social media Facebook account hmang in tlaihkhih an tuah ton hi a sau pah cang. An social account an zulh doi khawh le khawh lo lawng a si ko tiah khuami pakhat nih a chim. Mipi ralkap PDF nih Yesayu Shinpyushin lei pawng ralhrang sakhan an rak tingnak kong cu a tanglei bantuk hin a si. Source-chindwinpost

Yesayu Shinphusin hlei i ralhrang hngakbuk gate cu PDF fonh phu nih an kah hna i ralhrang pathum an thah hna a nung in pakhat an tlaih lengah meithal 8 le kuan 1000 le Myanmar kyat nua 110 le Motor cycle 4 an chuh hna i an sakhan cu mei in ciam dihlak an khangh piak hna.
Chokhleipar

Magwe ramthen Yesayu peng Shinpyusin hlei i ralhrang hngakbuk gate cu mipi ralkap PDF phu fonh nih an kah ciaman hna cu ralhrang meithal tamlak an chuh khawh hna. An sakhan mei in ciamlak an khangh piak fawn hna nak kong cu Yesayu PDF nih cathanh an chuah.

Ralhrang sakhan kahnak ah aa fonh mi PDF phu hna cu People Defense Force – Yesagyo, Salingyi Special Task Force, People Defense Force – Myaung) le Tangti phu hawikom hna an si tiah theih asi. Nihin chun 12pm in sakhan cu an kah i suimilam pakhat tluk an kap hnu ah hlawhtling tein sakhan cu an lak khawh tiah theih asi.

Hi i kahnak ah hin ralhrang minung pathum an thi i pakhat cu a nung in an tlaih. Cu tam deuh cu hliamhma he an zaam hna tiah an langhter.ralhrang meithal 8 an lak khawh i kuan hi 1000 an lak lawng si lo in motorcylce pa3 le kyats nuai 110 zong an lak piak khawh hna. Khitthit

Be the first to comment

Leave a Reply

Your email address will not be published.


*