Facebook Hmang Poah Nih Click2donate for Chinland Tuah Hna Usih

Chin miphun nih Click donate hi kan tuah ve a hau cang. Kawl miphun pawl cu click donate hi an tuah lengmang i phaisa tampi an hmuh. Ralzam caah siseh an ralkap caah siseh tampi an hmuh tawn.

Kanmah Chin miphun zong nih Click Donate hi kan tuah ve awk a si cang. Cucu nangmah nih Facebook, Website le Youtube ah voikhat te na hmeh mi nih khan that hnemnak tampi a pek. Mah kha voikhat hnih hmeh kha a har bak lomi a si. Nangmah nih na hmeh ruang na phaisa fang khat hmanh na liam hlei lo caah hmeh thluahmah ding a si ko.

Delhi lei in Website catial tu hna zong nihhin kan ralkap CNA caah bawmhnak phaisa tampi an pek tawn ti kha philh lo ding a si. Website ah ca kan tial i nan rak Click mi phaisa a lut me te khan dawh kan ralkap CNA caah phaisa kan rak hlut ve tawn hna. News a relmi nihcun nan rak theih bal cio ko lai.

Hlasak thiam Benjamin Sum zong nih a Yuotube ah a chiah mi a hla nan click piak mi khan ralzam hna zong tampi a bawmh tawn hna. Cucu Click Donate timi cu a si. Kawl miphun nihcun voi tampi an tuah cang i a thathnem pi ngaingai cang hna.

Kanmah Laimi zong nih Website ah ca kan tialmi pohpoh hi Click dih uh, hmet dih ulaw phaisa tampi a luh ahcun kan ralzam hna caah le kan ralkap hna caah phaisa hlut rih khawh a si cuh. A tu cu media cathlah tu huat bak in nan i la i nan click ti lo ahcun midang caah bawhnak pek khawh ding a si ti lo.

Cu caah ka chim duhmi cu Website catial mi click lo zong in online in a ho tal nih maw, bu pakhat tal nih maw Click Donate hi kan tuah piak ve ulaw kan miphun caah a that hnem tuk ding khi a si ko. Laimi Facebook a hmang mi hi minung ting 3 tal cu kan si lai. Cu chung ah minung tingkhat hrawng nih click lengmang ahcun phaisa tampi a lut ding khi a si.

Cu caah online click donate hi kan tuah piak ve cang uh. Laimi nih kan um hmun tein Facebook le Google company hmang in kan miphun le ram caah rian kan rak tuan cio khi a si ko.

Delhi lei Website catial tu hna nih CNA le CDF caah India phaisa in ting khat reng lo bawmhnak an pek kha philh hlah uh. Website ca an tialmi nan rak click piak mi hna thawng in a si.

Be the first to comment

Leave a Reply

Your email address will not be published.


*