Falam-Hakha lamcung kahdohnak ah hma a pumi ralkap 15 Hakha sizung an phan,pakhat A Thi Cang

Falam-Hakha lamcung kahdohnak ah hma a pumi ralkap 15 Hakha sizung an phan

Chin ramkulh, Falam le Hakha karlak kahdohnak ah hma a pumi SAC ralkap 15 cu Hakha sizung an phan tiah thawng theih a si.

Falam in Hakha lei ah a raami SAC ralkap pawl cu CJDC le CNA nih an kah hna caah kahdohnak atu le atu a chuak i SAC ralkap cu July 17 zaanlei lawngah Hakha khua an phan kho.

SAC ralkap pawl Hakha khuachung an luh lioah bom voikhat a puak.

SAC ralkap pawl hi July 7 ah Falam in an rak i thawh i Falam-Hakha karlak hi meng 40 aa hlatmi a si i sml tlawmpal lawng a raumi lam a si ko nain SAC ralkap pawl hi ni 10 an rau.

Falam-Hakha karlak ah SAC ralkap pawl cu CJDC, CNA, phufonh nih voi tampi an kah hna caah SAC ralkap a thimi an tam. Kahdohnak chungah mipi hriamtlai 2 an nunnak a liam i 10 hrawng hliamhma an tuar tiah theih a si.

SAC ralkap pawl nih Falam-Hakha lamcung ah a ummi Taal le Chuncung khua inn 35 leng an khangh tiah thawng theih a si.Credit-Thechinpost

Be the first to comment

Leave a Reply

Your email address will not be published.


*