Falam Nungak Dawh Taktak Mai Aeri Thae Nih CNDF/CNO Falam ca ah Phaisa tampi bawmhnak a pek – Thawngpang Dik Thanh Hna Usih


CNO/CNDF Falam Hrang ca ah BAWMHNAK A PEK.Kan Chin nungak muidawh Tuluk ram (China) i a ummi Mai Aeri Thae nih cun India Phaisa Rs 22,000.00 (Thongkul le thonghnih) cu ram le miphun hrangah tiin Chin Ralkap (CNO/CNDF-falam) sin ah

 

*Chin National Organization News & Fans* page hmangin bawmhnak apek tiah theih a s. Phaisa hi CNDF Falam ralbawizik Salai Peter Thang si ah pek a si lai.

CNO/CNDF nih bawmhnak a pe tu cung ah lunglawmhnak chm cawk lo kan ngei. Pathian nih aletza in thluachuah malsawm in pe chin lengamng ko seh tiah thlaza kan camBawmnak petu facebook page links (Like & Follow) rak pe cio uhsi.

Lamchhip’ Khua Hngakchia Nu Cu Petrol Ruangah Mei Nih A Kangh!. Lamchhip khua hngakchia “Lalruatdiki” Kum 8 nute cu a pa he November ni 16 2022 ah an unau Khrismas thilduh zalhnak caah ti in meihawl raw ding in apa he an kal. An i dinh lio ah Diktei nih cun kapa lakphak kan siam piak lai, tiin a pa lakphak cu lum piak a timh. A sinain mei a chemnak ah Petrol a khangh sual i, a lu ti lo cu a takpum zapi in a kangh dih.

A pa Ramnghahmawia nih a hmuh bak in a fanu cu thlam lengah chuah pi in ti a toih chih len A sinain zeisan a tlai ti lo, faktuk in mei nih a kangh.Diktei hi hma faktuk a tuar ruangah damnak dingah cun caan sau deuh hngah rih hau lai tiah sibawi hna nih an ti. Sii-inn an phak ah hin tangka 500 lawng an ngeih i, Zo Inspiration nih cun (siaimen) cu an bomh hna.

Hi kong he pehtlaiin, Zo Inspiration nih “Diktei” hrangah kutsamh khomi nan umah cun tiah bomhhalnak an tuahpiak i a tanglei bantuk in an langhter chih.#Zo Inspiratio

 

SAC Ralkap Nih Duh Paoh In Meithal An kah Caah Nahau Tlang Inn Cheukhat A Rawk. Chin ramkulh, khuapi Hakha ah nihin December 9 zinglei ah bomb thawng le meithal thawng a thang, tiah theih a si.

Tualchung mi pakhat nih, “Nihin deilei sml 3:55 hrawngah bomb thawng le meithal thawng voi tam ngai a thang. Kahdohnak a chuah le chuah lo cu fiang in kan hngal lo,” tiah a chim.

SAC ralkap nih duh paoh in meithal an kah caah Hakha thar Nahau tlang ah a ummi inn cheukhat cu kuan tam ngai nih a khen, inn chung thilri zong tampi an rawk, tiah theih a si.

Rev. Thian Lian Sang Cu SAC Nih Rianhrang Ṭuan Ding Le Thong Kum 23 Thlak Ding In Bia An Khiahpiak. Mandalay Falam Baptist Church ah Senior a ṭuanmi Rev. Thian Lian Sang cu, SAC nih nizan December 7 ah rianhrang ṭuan ding le thong kum 20 leng thlak ding in bia an khiahpiak, tiah theih a si.

Rev. Thian Lian Sang cu a luancia 2021 September 16 ah Mandalay a inn ah SAC ralkap nih an rak tlaih i, 2022 June 15 ah 505(a) in rianhrang le thong 3 thlak ding in biaceih zung nih bia an rak khiahpiak hnuah December 7 ah section 49(a) in rianhrang ṭuan ding le thong kum 20 thlak ding in bia an khiapiak. A dihlak ah thong kum 23 a tla ding a si, tiah a chungkhar hna sinin theih a si.

Kum 42 a simi Rev. Thian Lian Sang cu Khrihfa biaknak he aa kalh in ramkhel rian a ṭuanmi a si lo pinah sifak santlai lo tlangcung mi zong ngandamnak lei a zohkhenhtu pakhat a si, tiah theih a si.

A luancia 2021 September 16 ah SAC ralkap nih Rev. Thian Lian Sang cu a inn ah uniform i hruk loin meithal he an rak tlaih i tangka kyats sing 40 zong an rak lakpiak, tiah theih a si.Rev. Thian Lian Sang cu Mandalay Ubu thonginn ah an chiah i nizan December 7 ah kan ton, a ngan zong a dam ko, tiah a chungkhar pakhat nih a chim.

 



Source link

Add a Comment

Your email address will not be published. Required fields are marked *