Falam pawl nih Laiva dinti laaknak thurhnawmh kong ah CNA cu nan puh hna, CNDF minung zong Nga tlaitu le Ti leuh tu ah an i tel ve ko tung – Thawngpang Dik Thanh Hna Usih


Nizan ahkhan: Zahau tlang Tial Kulh Thang Zawlte ti mi min in Falam khuapi nih dinti kan laaknak Laikua tili cu CNA pawl nih an thurhnawmh ti an i lioh, nga an tlaih timi a post mi cu mahti hin Ramthlo khua mi Jefet Biak St timi nih faak taktak in a leh

Falam pawl nih Laiva tili hi minung zapi nih leuh mi le i kholhnak ti theih bu in dinti ah an laak mi si ko tung, Falam khua pi ca ah ti an laak cu kum 2/3 lawng si a rau rih. Hi ti an laak hlan kum 30 renglo caan sau pi in i lioh lengmang mi le

zingfatin le zanfatin nga tlaih peng nak a si ko si. Ti leuh le i kholh cu ai zia tuk rih. Mithi ruak ramsa ruak  haang hmanh hmuh a si ahcun cun Laikua ah Hriamtlai phu khat lawng zong an um lo. CNDF-falam an camp teh nan thuh maw? Hi Laiva tidil nga tlai tu le ti leuh tu ah

CNDF minung zong an i tel ve timi nan thei lo a si rua ti. Nan nih pawl hi khat le khat i rualremnak tuah tu si loin i lungrual kho lo dingin ci a thlahtu nan si. Atu catial tu pa nih a tialmi ah CNA lei in ti an leuh tiah a tial. CNDF pawl zong an i tel ve thotho. Bia hi theih fiang lo ahcun dai tein um kha a tha deuh. aho aho ti a um loh. mipi buaitertu men an si.” tiah a tialmi cu a si.

 

CNA ralkap a tuanmi Salai Chin Lian nih a tialmi ca hi a hmaan taktak si. A tialmi cu “Hriam nam lei in kan cham bau ko zong ah kan lungdong nai sai lo,kan mah kan lungdong loin mipi pawl tu nan lungdong hmasa,,,

Cham bau nak tampi lak ah mipi lei nih nan lungdong nak nan rak langhter tawn hi cu tha a chia kho taktak,kan mah kan lungdong zong ah thazaang a kan petu ding nan si,nan bia kaa khat nih kan rethei thabat nak cu a philh ter khawh i,

nan bia kaa khat nih kan lung a der ter khawh,,, Mipi lei ni thazaang pek nak bia, kaa khat nan chim ah khin kan caa hrang ah hmual a ngei tuk mi asi,rethei thabat pah lungdong nak kong hna fb ah vun hmuh pah cang ah khin cun lung a zawr kho taktak,,,

Mipi nih dawtmi si kan duh,nan thlacam nak le nan thazaang pek nak cu kan her zungzal ko, mipi ngeichiat ter tu kan si nak hngah lo kan nih zawng kan i zuam zungzal,,,” a tialmi cu a si.

SAC Nih Tuluk Ser FTC 2000 G Fighter An Cawk I Namsan Khua A Phanhnak Kong Thawngpang A Len Caah Ṭuanvo Ngeitu Checkhlatnak An Tuah Hna

SAC nih Tuluk ser FTC 2000 G Fighter 6 an cawk i Namsan vanlawng headquarters a phanhnak kong cu, Khit Thit Media nih a luancia November 22 ah an rak langhter. Cuti thawngpang a len ruangah vanlawng lei ṭuanvo ngeitu hna cu SAC nih checkhlatnak an tuah hna, tiah theih a si.

“Namsan vanlawng tual ah Fighter 6 a phanhnak kong thawngpang a len ruangah Min Aung Hlaing a umnak zung nih Namsan vanlawng headquarters uktu pa cu an sik, cu caah headquarters uktu pa nih vanlawng lei ṭuanvo ngeitu hna cu checkhlatnak a tuah chin ve hna pinah an phone zong a checkpiak dih hna,” tiah SAC ralkap vanlawng lei rianṭuantu hna sinin theih a si.

SAC nih Tuluk ser FTC 2000 G Fighter 6 an cawkmi cu atu le atu training an tuah i a ra laimi December 15 SAC vanlei ralkap hna nih an tuahmi puai ah hmuksaknak an tuah te lai, tiah theih a si.

SAC Ralkap Nih Hriamngan An Kah Ruangah Tahan Sangum Minung 6 Hliamhma An Pu

Sagaing ramṭhen, Kalaymyo Tahan sang ah November 26 zinglei le zanlei ah SAC ralkap nih hriamngan an kah mi hriamngan kuan cu inn cungah a tlak caah sangmi minung 6 hliamhma an pu, tiah tualchung mi hna nih an chim.

“A voikhatnak hriamngan kuan hi inn cungah a tla i tarnu pakhat le ngakchia pakhat an ke ah a khen hna pinah uico pakhat zong a khen caah a thi. Cu zan ah cun hliamhma pumi hna cu sang mino nih sii-inn ah an kalpi hna,” tiah Tahan sang ummi pakhat nih a chim.

Sang chungah a voikhatnak an kahmi hriamngan kuan a tla hnu caan tlawmpal ah Yahthahsone(ရသာစုံ) dawr le private sianginn karah a tlak ṭhan caah tualchung minung pathum hliamhma an pu chap, tiah theih a si.

Hliamhma pumi hna cu an inn he ai naihnak sii-inn ah an kalpi hna. Atu kar hrawng hi Kalaymyo nitlaklei le chaklei ah kahdohnak a zual ngaingai caah tualchung mi hna zong ai chawkhlat mi an tlawm ngangai, tiah theih a si.

 



Source link

Add a Comment

Your email address will not be published. Required fields are marked *